టాలీవుడ్ స్టార్ హీరో విజయ్ దేవరకొండ ప్రముఖ డైరెక్టర్ గౌతమ్ తిన్ననూరి డైరెక్ట్ చేస్తున్న VD12 అనే సినిమాలో హీరోగా నటిస్తున్నాడు. ఈ సినిమాని సితార ఎంటర్ టైన్మెంట్స్ బ్యానర్ పై ప్రముఖ సినీ నిర్మాత సూర్యదేవర నాగవంశీ నిర్మిస్తున్నాడు. కాగా ఇటీవలే ఈ సినిమా కేరళలో షూటింగ్ షెడ్యూల్ పూర్తి చేసుకుంది. ఈ షెడ్యూల్ లో రైల్వే స్టేషన్ లోని సన్నివేశాలను షూట్ చేశారు. దీంతో త్వరలోనే VD12 టీజర్ మరియు టైటిల్ ని రిలీజ్ చేసేందుకు చిత్ర యూనిట్ ప్లాన్ చేస్తన్నట్లు సమాచారం.
ప్రస్తుతం VD12 టీజర్ కి సంబంధించిన ఓ వార్త సోషల్ మీడియాలో తెగ వైరల్ అవుతోంది. అయితే ఇంతకీ ఆ వార్త ఏమిటంటే టాలీవుడ్ స్టార్ హీరో నందమూరి బాలకృష్ణ VD12 టీజర్ లో వాయిస్ ఓవర్ ఉంటుందట. దీంతో ఈ టీజర్ ఫ్యాన్స్ కి మాస్ ట్రీట్ అంటున్నారు. కానీ బాలయ్య వాయిస్ ఓవర్ గురించి VD12 చిత్ర యూనిట్ ఎలాంటి అప్డేట్ ఇవ్వలేదు. దీంతో ఈ వార్తలో నిజమెంతుందనేది తెలియాల్సి ఉంది.
ALSO READ | Kanguva OTT: ఓటీటీలోకి కంగువ.. భారీ మొత్తానికి డిజిటల్ రైట్స్.. స్ట్రీమింగ్ డేట్ ఇదే!
ఈ విషయం ఇలా ఉండగా గత కొన్నేళ్లుగా విజయ్ దేవరకొండ సరైన సక్సెస్ లేక కెరీర్ లో ఇబ్బందులు ఎదుర్కొంటున్నాడు. దీంతో VD12 తో హిట్ కొట్టాలని తీవ్రంగా శ్రమిస్తున్నాడు. ఈ సినిమాని వచ్చే ఏడాది మార్చ్ 28న రిలీజ్ చేస్తున్నట్లు మూవీ మేకర్స్ ప్రకటించారు.
