బాలాపూర్ గణేష్ శోభాయాత్ర శోభాయమానంగా కొనసాగుతోంది.. బాలాపూర్ నుండి ఉదయం ప్రారంభమైన యాత్ర ప్రస్తుతం ఎంజే మార్కెట్ చేరుకుంది. బాలాపూర్ హనుమాన్ టెంపుల్ నుంచి ఊరేగింపు మొదలై గణేశ్చౌక్ ఎడమ వైపు నుంచి డైమండ్ హోటల్ చేరుకున్న బాలాపూర్ గణేశుడు అక్కడి నుంచి మైసమ్మకట్ట మీదుగా చాంద్రాయణగుట్ట, చార్మినార్, అఫ్జల్‌గంజ్‌,ఎంజే మార్కెట్ కు చేరుకుంది.. అబిడ్స్, బషీర్‌‌బాగ్‌, లిబర్టీ వై జంక్షన్‌ మీదుగా ట్యాంక్బండ్కు చేరుకోనున్నాడు బాలాపూర్ గణేశుడు.
కాగా, తెలుగు రాష్ట్రాల్లో వేలానికి ప్రసిద్ధి గాంచిన బాలాపూర్ గణేశుడి లడ్డు ఈ ఏడాది ( 2024 ) 30 లక్షల వెయ్యి రూపాయలు పలికింది.. కొలన్ శంకర్ రెడ్డి అనే వ్యక్తి బాలాపూర్ లడ్డు ప్రసాదాన్ని దక్కించుకున్నారు.గత ఏడాది కంటే.. ఈసారి 3 లక్షల రూపాయలు అదనంగా పలికింది. బాలాపూర్ లడ్డూ వేలంలో ఇదే రికార్డ్.
