కాశీబుగ్గ (కార్పొరేషన్), వెలుగు : నాలా పూడికతీత పనుల్లో స్పీడప్ పెంచాలని బల్దియా కమిషనర్ అశ్విని తానాజీ వాకడే శానిటేషన్ ఆఫీసర్లను ఆదేశించారు. సోమవారం వరంగల్ పరిధిలోని పలు నాలాల పనులను పరిశీలించారు. ఈ సందర్భంగా కమిషనర్ మాట్లాడుతూ రానున్న వర్షాకాలాన్ని దృష్టిలో పెట్టుకొని నాలా పూడికతీత పనుల్లో స్పీడప్ చేయాలి.
తీసిన సిల్ట్ ను తరలించాలని ఆదేశించారు. కార్యక్రమంలో ఎస్ఈ కృష్ణారావు, సీఎంహెచ్వో డాక్టర్ రాజేశ్, ఈఈ శ్రీనివాస్, డీఈలు రంగారావు, సారంగం, రవికిరణ్, ఏఈ సతీశ్, శానిటేషన్ సిబ్బంది తదితరులున్నారు.
