జైపూర్, వెలుగు: చెన్నూర్ నియోజకవర్గం జైపూర్ మండలంలోని వేలాల, పౌనూర్, ఎల్కంటి, ఇందారంలోని దొరగారిపల్లి గ్రామాల్లో ఎమ్మెల్యే బాల్క సుమన్ మంగళవారం పర్యటిస్తారని ముందుగా ప్రకటించారు. దొరగారిపల్లిలో ప్రైమరీ స్కూల్ ను ఓపెన్ చేస్తారని పేర్కొన్నారు. దొరగారిపల్లి ఇందారం ఓపెన్ కాస్ట్ ప్రాజెక్ట్ప్రభావిత ప్రాంతం. ఓసీపీ ఏర్పాటు సమయంలో తమకు ఇచ్చిన హామీలను నెరవేర్చలేదని, స్థానికులకు ఉద్యోగాలు రాలేదని ప్రజలు ఆవేదన చెందుతున్నారు. ఈ క్రమంలో బాల్క సుమన్ ను నిలదీసేందుకు సిద్ధమయ్యారనే సమాచారంతో ఆయన దొరగారిపల్లి పర్యటనను రద్దు చేసుకున్నారని స్థానికులు చర్చించుకుంటున్నారు. సాయంత్రం దొరగారిపల్లికి రాకుండానే వేలాల, పౌనూర్, ఎల్కంటి గ్రామాల్లోని ప్రోగ్రామ్స్లో పాల్గొనడం గమనార్హం.
