మంచిర్యాల, వెలుగు : దమ్ముంటే తనపై పోటీ చేయాలంటూ కాంగ్రెస్ నేత వివేక్ వెంకటస్వామికి సవాల్ విసిరిన చెన్నూర్ బీఆర్ఎస్ ఎమ్మెల్యే బాల్క సుమన్.. చివరికి ఆయన చేతిలో ఘోర పరాజయం పాలయ్యారు. ‘‘చెన్నూర్కు నువ్వేరా.. నామీద నువ్వే పోటీ చెయ్.. మొగోనివైతే నువ్వు అట్నుంచి పోటీ చెయ్.. నేను ఇట్నుంచి పోటీ చేస్త’’ అంటూ బాల్క సుమన్ సవాల్ చేశారు. దీంతో చెన్నూర్ నుంచి పోటీ చేసిన వివేక్.. బాల్క సుమన్ ను చిత్తుగా ఓడించారు. 2014 లోక్సభ ఎన్నికల్లో పెద్దపల్లి ఎంపీగా కాంగ్రెస్నుంచి వివేక్, బీఆర్ఎస్ నుంచి బాల్క సుమన్పోటీ చేశారు. అప్పట్లో తెలంగాణ సెంటిమెంట్తో పాటు ‘నాపై వంద కేసులు ఉన్నయ్.. వివేక్కు వందల కోట్లున్నయ్.
చెమట చుక్కుకు.. సెంటు వాసనకు పోటీ’ అంటూ బాల్క సుమన్ చేసిన ప్రచారం వర్కవుట్అయి ఆయన గెలిచారు. ఆ తర్వాత 2018 అసెంబ్లీ ఎన్నికల్లో సిట్టింగ్ఎమ్మెల్యే నల్లాల ఓదెలు సీటును కబ్జా చేసిన సుమన్.. చెన్నూర్ నుంచి ఎమ్మెల్యేగా విజయం సాధించారు. అనంతరం 2019 లోక్సభ ఎన్నికల్లో వివేక్కు బీఆర్ఎస్ టికెట్రాకుండా బాల్క సుమన్ కుట్రలు చేసి అడ్డుకున్నారు.
బాల్క సుమన్ కామెంట్లకు వివేక్ కౌంటర్..
ఈసారి ఎన్నికల్లో ‘వేల కోట్లున్న వివేక్ను గెలిపిస్తరా? వేల కోట్లతో అభివృద్ధి చేసిన నన్ను గెలిపిస్తరా?’ అంటూ బాల్క సుమన్ ప్రచారం చేశారు. అయితే ‘నాడు వంద కేసులు, రెండు జతల బట్టలు ఉన్నాయన్న సుమన్కు నేడు వెయ్యి కోట్లు ఎట్లొచ్చాయ్? సుమన్ ల్యాండ్, సాండ్, కోల్మాఫియా ద్వారా వేల కోట్లు అక్రమంగా సంపాదించిండు.
బాల్క సుమన్ నియోజకవర్గంలో చేసిన అభివృద్ధి ఏది?’ అంటూ వివేక్ స్ట్రాంగ్ కౌంటర్ ఇచ్చారు. అది ప్రజల్లోకి బాగా వెళ్లింది. అంతేకాకుండా ‘సూట్ కేసులకు అమ్ముడుపోయిన్రు’ అంటూ కాంగ్రెస్ లీడర్లను బాల్క సుమన్ తిట్టారు. ‘డిసెంబర్3 తర్వాత కాంగ్రెస్లీడర్ల సంగతి చెప్తాం’ అంటూ కేటీఆర్ బెదిరించారు. మరోవైపు ఎన్నికల టైమ్ లో ఎలాగైనా బద్నాం చేయాలన్న కుట్రతో వివేక్ ఇండ్లు, సంస్థలపై ఈడీ దాడులు చేయించారు. ఇవన్నీ బీఆర్ఎస్ కే రివర్స్ అయ్యాయి.
