- రాడార్ స్టేషన్కు ఎందుకు అనుమతిచ్చారని మీ నాన్నను నిలదీయ్
- కేటీఆర్కు సంజయ్ సవాల్
హైదరాబాద్, వెలుగు: రాష్ట్రంలో బీఆర్ఎస్ అధికారంలో ఉన్నప్పుడు రాడార్ స్టేషన్ ఏర్పాటుకు పర్మిషన్ ఇచ్చి.. ఇప్పుడు వ్యతిరేకించడం వాళ్ల ద్వంద వైఖరికి నిదర్శనమని కేంద్ర హోం శాఖ సహాయ మంత్రి బండి సంజయ్ అన్నారు. రాడార్ స్టేషన్ ఏర్పాటుకు ఎందుకు అనుమతిచ్చారంటూ కేసీఆర్ను నిలదీయాలని కేటీఆర్కు సూచించారు.
కేటీఆర్కు చిత్తశుద్ధి ఉంటే కేసీఆర్ ఫాంహౌస్ఎదుట ఆందోళన చేయాలని సవాల్ చేశారు. కేసీఆర్ ప్రభుత్వం ఆమోదించిన వ్యవస్థను ఆయన కొడుకు ఆధ్వర్యంలో పార్టీ నేతలు వ్యతిరేకించడం విడ్డూరంగా ఉందని మంగళవారం ఆయన ఒక ప్రకటనలో పేర్కొన్నారు. కేసీఆర్ ఆనాడు సోయిలో ఉండే రాడార్ స్టేషన్ ఏర్పాటుకు అనుమతి ఇచ్చారా? లేదా? అనేది తెలుసుకుంటే బాగుండేదని కేటీఆర్ను ఉద్దేశించి వ్యాఖ్యానించారు.
రాడార్ వ్యవస్థ ఏర్పాటుకు అనుమతిస్తూ భూముల బదలాయింపునకు ఎందుకు అంగీకారం తెలిపారని కేసీఆర్ను నిలదీస్తే బాగుండేదన్నారు. దేశ భద్రతకు సంబంధించిన అంశాల విషయంలో కేంద్ర, రాష్ట్ర ప్రభుత్వాలు, అన్ని రాజకీయ పార్టీలు కలిసి పనిచేయాలని సూచించారు. ఈ ప్రాజెక్ట్ను బీఆర్ఎస్ నేతలు వ్యతిరే కించడమంటే దేశ భద్రతను వ్యతిరేకిస్తున్నట్టేనని, దేశరక్షణ వ్యవస్థలను అవమానించిట్టేనని అన్నారు.
