గుండాల, వెలుగు: బ్యాంక్అకౌంట్ కు ఆధార్నంబర్లింక్ చేసుకునేందుకు బ్యాంక్కు వెళ్లిన ఓ దివ్యాంగుడు రోజంతా నిలబడి ప్రాణాలు కోల్పోయాడు. భద్రాద్రికొత్తగూడెం జిల్లా గుండాల మండలానికి చెందిన మొక్క ఆదినారాయణ దివ్యాంగుడు. ఎక్కువ సేపు నిలబడలేడు. శుక్రవారం ఉదయం తన బ్యాంక్అకౌంట్కు ఆధార్లింక్చేసుకునేందుకు భార్య సమ్మక్కతో కలిసి కాచనపల్లి ఎస్బీఐ బ్రాంచ్కు వెళ్లాడు. బ్యాంకులో సిగ్నల్ రాకపోవడంతో ఉదయం నుంచి సాయంత్రం వరకు వేచి ఉన్నాడు.
ఈ క్రమంలో సొమ్మసిల్లి పడిపోయాడు. సమ్మక్క108కు కాల్ చేయగా, వెహికల్అందుబాటులో లేదని చెప్పడంతో ప్రైవేట్వెహికల్మాట్లాడుకుని గుండాల ప్రభుత్వ ఆసుపత్రికి తీసుకెళ్లింది. సీరియస్ గా ఉందని చెప్పడంతో మరో వెహికల్ లో వరంగల్ తరలించింది. చికిత్స పొందుతూ శనివారం తెల్లవారుజామున ఆదినారాయణ చనిపోయాడు. 108 సమయానికి వస్తే నా భర్త బతికేవాడని మృతుడి భార్య సమ్మక్క రోధించిన తీరు అక్కడివారిని కంటతడి పెట్టించింది.
