April Bank Holidays: ప్రజలు నేటి కాలంలో చాలా పనులు రోజువారీ పూర్తి చేయటానికి బ్యాంకులపై ఆధారపడాల్సి వస్తున్న సంగతి తెలిసిందే. ఆర్థిక వ్యవస్థలో డిజిటల్ చెల్లింపులు కొత్త పుంతలు తొక్కిన వేళ ఆర్థిక లావాదేవీల్లో బ్యాంకుల పాత్ర పెరిగింది. అయితే ప్రస్తుతం బ్యాంకులకు వరుస సెలవులు రావటంతో ప్రజలు తమ ముఖ్యమైన పనులను పూర్తి చేయటం కోసం అసలు బ్యాంకులు ఏఏ రోజుల్లో తెరచి ఉంటాయనే ముఖ్యమైన వివరాలను తెలుసుకోవాల్సి ఉంటుంది.
అయితే ఏప్రిల్ 12 నుంచి ఏప్రిల్ 14 వరకు వరుసగా మూడు రోజుల పాటు దేశవ్యాప్తంగా అనేక నగరాల్లో బ్యాంకులు మూతపడనున్నాయి. రిజర్వు బ్యాంక్ నిబంధనల ప్రకారం ఏప్రిల్ 12 రెండవ శనివారం, ఏప్రిల్ 13న ఆదివారం, ఏప్రిల్ 14న డాక్టర్ బీఆర్ అంబేడ్కర్ జయంతి కారణంగా బ్యాంకులు సెలవులో ఉండనున్నాయని బ్యాంకుల సెలవుల క్యాలెండర్ ప్రకారం వెల్లడైంది.
అయితే ఏప్రిల్ 14 సోమవారం మహారాష్ట్ర, చంఢీగడ్, అరుణాచల్ ప్రదేశ్, దిల్లీ, చత్తీస్గడ్, మేఘాలయ, నాగాలాండ్, మధ్యప్రదేశ్ రాష్టాల్లో మాత్రం బ్యాంకులు సాధారణంగానే పనిచేయనున్నాయి. దీనికి తోడు ఈ నెలలో బ్యాంకులు సెలవులో ఉండే ఇతర రోజుల జాబితాను పరిశీలిస్తే..
ఏప్రిల్ 15- బెంగాల్, అసోం, హిమాచల్ ప్రదేశ్ రాష్ట్రాల్లో బ్యాంకులకు సెలవు
ఏప్రిల్ 16- అసోంలో బ్యాంక్స్ క్లోజ్
ఏప్రిల్ 18- గుడ్ ఫ్రైడే సందర్భంగా బ్యాంక్స్ హాలిడే
ఏప్రిల్ 21- గరియ పూజ కారణంగా బ్యాంకులకు సెలవు
ఏప్రిల్ 29- పరశురాం జయంతి కారణంగా బ్యాంకు హాలిడే
ఏప్రిల్ 30- అక్షయ తృతియా, బసవ జయంతి కారణంగా బ్యాంకులకు సెలవు
డిజిటల్ సేవలు అందుబాటులోనే..
బ్యాంకులు వివిధ కారణాల వల్ల సెలవులో ఉన్నప్పటికీ ప్రజలకు ఎలాంటి ఇబ్బంది కలగదు. ఈ సమయంలో యూపీఐ చెల్లింపులు, ఏటీఎంలు, ఆన్ లైన్ బ్యాంకింగ్ వ్యవస్థలు ప్రజలకు అందుబాటులోనే ఉంటాయి. అయితే ఏదైనా రుణాలకు సంబంధించిన ముఖ్యమైన పనులను పూర్తి చేయాలనుకుంటే ఖాతాదారులు సెలవులకు అనుగుణంగా తమ దగ్గరలోని బ్యాంక్ శాఖను సంప్రదించటానికి ప్లాన్ చేసుకోవచం ఉత్తమం.
