నిరుద్యోగుల ప్రతినిధిగా కొల్లాపూర్ బరిలో నిలిచిన బర్రెలక్క అలియాస్ శిరీష ఓటమి పాలయినప్పటికీ నైతికంగా గెలిచింది. 5,754 ఓట్లు సాధించి నాలుగో స్థానంలో నిలిచింది. తనదైన శైలిలో ప్రచారం చేస్తూ ప్రధాన రాజకీయ పార్టీల అభ్యర్థులను శిరీష టెన్షన్ పెట్టింది. రాజకీయ వారసత్వం, ధనబలం లేకపోయినా ఆమె పోరాడి అందరినీ ఆకట్టుకున్నది. స్థానిక సమస్యలు, నిరుద్యోగంపై తన వాయిస్ వినిపించింది.
