మహబూబ్నగర్, వెలుగు: ఎక్కడా స్థలం దొరకనట్లు గవర్నమెంట్స్కూల్లో బస్తీ దవాఖానను ఏర్పాటు చేస్తున్నారు. మంత్రి చెప్పిండని స్కూల్లో ఉన్న రెండు క్లాస్ రూమ్లను విద్యా శాఖ నుంచి హ్యాండోవర్ చేసుకొని పనులు చేపడుతున్నారు. మహబూబ్నగర్ జిల్లా కేంద్రంలోని వీరన్నపేట ప్రైమరీ స్కూల్లో తెలుగు, ఇంగ్లిష్, ఉర్దూ మీడియం ఉండగా, ఒకటి నుంచి ఐదో తరగతి వరకు 320 మంది చదువుకుంటున్నారు. స్కూల్కు మొత్తం పది క్లాస్రూమ్లు ఉన్నాయి. స్కూల్ పక్కనే కాలనీకి చెందిన అంబా భవానీ కమ్యూనిటీ హాల్లోని ఓ రూమ్లో బస్తీ దవాఖాన కొనసాగుతోంది. ఈ దవాఖానను స్కూల్లోకి మార్చాలని, ఇందుకోసం రెండు క్లాస్ రూమ్స్ను కేటాయించాలని మంత్రి శ్రీనివాస్గౌడ్చెప్పారంటూ మహబూబ్నగర్ ఇన్చార్జి డీఈవో రవీందర్కొద్దిరోజుల కిందట స్కూల్ను విజిట్చేశారు.
మెయిన్గేట్ ఎంట్రెన్స్లో ఉన్న ఉర్దూ మీడియంకు చెందిన థర్డ్, ఫోర్త్క్లాస్రూమ్లను బస్తీ దవాఖానకు తీసుకుంటున్నట్లు చెప్పారు. ఒక క్లాసును స్టోర్రూమ్లో, మరో క్లాసును హైస్కూల్కు మార్చాలని సూచించారు. బస్తీ దవాఖాన కోసం ప్రస్తుతం రూ. 9 లక్షలతో పనులు చేపట్టారు. క్లాస్రూమ్స్ను బస్తీ దవాఖానాకు కేటాయించాలని తాము తీర్మానం చేయలేదని, తమకు చెప్పకుండానే కేటాయించారని ఎస్ఎంసీ చైర్మన్ షఫీ చెప్పారు. స్కూల్లో దవాఖానా ఎలా పెడతారని అన్నారు. పిల్లలకు రోగాలు వ్యాపిస్తే బాధ్యత ఎవరు తీసుకుంటారని ప్రశ్నించారు. దవాఖానను వేరోచోటికి మార్చాలని కోరారు.
