హైదరాబాద్, వెలుగు: కులగణన రీ సర్వేలో వివరాలు ఇవ్వాలని బీసీ కమిషన్ చైర్మన్ గోపిశెట్టి నిరంజన్ కోరారు. ఈ నెల 28వ తేదీ వరకు అవకాశం ఉందన్నారు. శనివారం ఖైరతాబాద్ లోని కమిషన్ కార్యాలయంలో మెంబర్ జయ ప్రకాశ్తో కలిసి మీడియాతో మాట్లాడారు.
కమిషన్ పర్యటించిన ప్రాంతాల్లో సర్వే జరగని కుటుంబాల వివరాలను సేకరించి, అధికారులకు సమాచారం ఇస్తున్నామన్నారు. ఆదివారం బీసీ కమిషన్ తరఫున ఇందిరా పార్కులో ఉదయం 6:30 నుంచి 10:00 గంటల వరకు వాకర్స్ తో కలిసి అవగాహన కల్పించే కార్యక్రమం నిర్వహిస్తున్నామని ఆయన పేర్కొన్నారు.
