నల్లగొండ రెడ్డి రాజకీయాలకు .. బలైతున్న బీసీ లీడర్లు

• బీఆర్ఎస్​లో బీసీలు గెలుస్తున్నా  కాంగ్రెస్​లో అపజయాలు
• బీసీ నేతల ఓటమి వెనుక అదృశ్య ‘హస్తాలు’
• రూలింగ్​ పార్టీలో సిట్టింగుల పైనా కాలు దువ్వుతున్న ఓసీలు
• ఈసారి బీసీలకు టికెట్లు రాకుండా తెర వెనుక ప్రయత్నాలు

నల్గొండ, వెలుగు : కాంగ్రెస్​ కంచుకోటగా భావించే ఉమ్మడి నల్గొండ జిల్లాలో రెడ్డి నేతల రాజకీయాలకు బీసీ లీడర్లు బలవుతున్నారనే టాక్​ నడుస్తోంది. ఎన్నికలు రాగానే బీసీ జెండాను భుజాన వేసుకుని ప్రచారం చేసే కాంగ్రెస్​లోని సీనియర్లు తమ గెలుపునకు సహకరించకపోగా, ఓటమికి కారణమవుతున్నారని బీసీ లీడర్లు ఆరోపిస్తున్నారు. జిల్లా కాంగ్రెస్​లో బీసీ లీడర్​షిప్​ బలంగా లేదని, అందువల్లే ఆ సామాజిక వర్గం నేతలు ఓడిపోతున్నారని సీనియర్లు ప్రచారం చేస్తున్నారని, అదే నిజమైతే  బీఆర్​ఎస్​లో టికెట్లు పొందిన బీసీ నేతలు ఎందుకు గెలుస్తున్నారో చెప్పాలని నిలదీస్తున్నారు.  మరోవైపు బీఆర్​ఎస్​లో మరోసారి సీట్లు దక్కించుకున్న బీసీ ఎమ్మెల్యేలపై అసమ్మతిని ఎగదోస్తున్న ఓసీ లీడర్ల తీరు చర్చనీయాంశంగా మారింది. 

కాంగ్రెస్​ నుంచి గెలిచిన బీసీ లీడర్​ ఒక్కరే..

ఉమ్మడి నల్గొండ జిల్లాలో కాంగ్రెస్​తరుపున బీసీ లీడర్​ గెలిచింది  ఒక్క 2009 ఎన్నికల్లోనే! ఆ తర్వాత జరిగిన రెండు ఎన్నికల్లోనూ బీసీ క్యాండేట్లకు ఓటమే ఎదురైంది.  వైఎస్​ రాజశేఖర్​ రెడ్డి జమానాలో 2009 ఎన్నికల్లో తొలి, చివరిసారిగా ఆలేరు నుంచి బూడిద భిక్షమయ్య గౌడ్​ ఎమ్మెల్యేగా గెలిచారు. ఆయన మాజీ మంత్రి ఉప్పునూతల పురుషోత్తం రెడ్డి శిష్యుడు కావడం వల్లే ఈ విజయం సాధ్యమైంది. వైఎస్, పురుషోత్తం రెడ్డి మరణించాక  భిక్షమయ్యగౌడ్​.. సీఎం కిరణ్​ కుమార్​ రెడ్డి కోటరీలో చేరారు. అప్పటికే జిల్లాలో కోమటిరెడ్డి బ్రదర్స్ హవా నడుస్తోంది. తిరిగి 2014 ఎన్నికల్లో ఈక్వెషన్స్​ ప్రకారం జిల్లాలో భువనగిరి, ఆలేరు సీట్లను బీసీలకు కేటాయించారు. భువనగిరి నుంచి పోతంశెట్టి వెంకటేశ్వర్లు, ఆలేరు నుంచి బూడిద భిక్షమయ్యగౌడ్​ పోటీ చేశారు. కానీ, భువనగిరి కాంగ్రెస్​ టికెట్​ రెడ్లకు దక్కలేదన్న కోపంతో ఆ వర్గం లీడర్లు వైరి వర్గంతో చేతులు కలిపారు. 

దీంతో వెంకటేశ్వర్లు ఓడిపోయారు. ఇక ఆలేరులో కోమటిరెడ్డి రాజగోపాల్​ రెడ్డితో ఉన్న విభేదాల వల్ల భిక్షమయ్యగౌడ్​ఓడిపోయారు. భిక్షమయ్యను ఓడించేందుకు కాంగ్రెస్​లోని రెడ్డి సామాజిక వర్గం లీడర్లు కలిసికట్టుగా కుట్ర పన్నా రని అప్పట్లో ఆరోపణలు వచ్చాయి. ఇదే వ్యతిరేకత 2018 ఎన్నికల వరకు కొనసాగింది. దీంతో ఆ ఎన్నికల్లోనూ భిక్షమయ్యగౌడ్​ రెండోసారి ఓటమిపాలయ్యారు. 2018 ఎన్నికల్లో ఉమ్మడి నల్గొండ జిల్లాలోని కోదాడ, సాగర్ అసెంబ్లీ స్థానాల నుంచి బీఆర్ఎస్​ బీసీ లీడర్లను బరిలో దింపడంతో పోటీగా కాంగ్రెస్​ మిర్యాలగూడ స్థానాన్ని బీసీ సంఘం జాతీయ అధ్యక్షుడు ఆర్​.కృష్ణయ్యకు కేటాయించింది. కానీ, రెడ్డి సామాజిక వర్గానికి టికెట్​ రాలేదనే కారణంతో పార్టీ రెండు గ్రూపులుగా చీలిపోయింది. ఫలితంగా ఆర్​.కృష్ణయ్య ఓటమిపాలయ్యారు.

బీఆర్​ఎస్​లో బీసీలు సక్సెస్​..

నల్గొండ జిల్లాలో బీసీ లీడర్లు బలంగా లేకపోవడం వల్లే ఓడిపోతున్నారని కాంగ్రెస్​సీనియర్లు తరుచూ వాదిస్తున్నారు. ఈసారి కూడా హైకమాండ్​ దగ్గర ఇదే విషయం చెప్పి టికెట్లు రాకుండా అడ్డుకునే ప్రయత్నం చేస్తున్నారని బీసీ లీడర్లు ఆరోపిస్తున్నారు. వాస్తవానికి ప్రతి పార్లమెంట్​ స్థానం పరిధిలో రెండు అసెంబ్లీ టికెట్లను బీసీలకు ఇవ్వాలని కాంగ్రెస్​ హైకమాండ్​ నుంచి ఆదేశాలున్నాయి. ఇదే జరిగితే తమ సీట్లు ఎక్కడ గల్లంతవుతాయోనని భయపడ్తున్న సీనియర్లు పాత వాదనను తెరపైకి తెస్తున్నట్లు తెలిసింది. కాంగ్రెస్​లోని బీసీ లీడర్లు మాత్రం సీనియర్ల తీరుపై మండిపడ్తున్నారు. 

జిల్లాలో బీసీ నేతలు బలంగా లేకపోతే బీఆర్ఎస్​నుంచి ఎలా గెలుస్తున్నారని నిలదీస్తున్నారు. 2014, 2018 ఎన్నికల్లో బీఆర్ఎస్ ​నాగార్జునసాగర్​నుంచి నోముల నర్సింహయ్యకు చాన్స్​ ఇచ్చింది. 2014లో ఓడిపోయిన నర్సింహయ్య 2018లో జానారెడ్డిపై గెలిచారు. నర్సింహయ్య మరణించాక జరిగిన బైపోల్​లోనూ ఆయన తనయుడు భగత్ గెలిచారు. ఇక కోదాడలో ఫస్ట్​టైం 201 8 లో బీసీలకు అవకాశం ఇవ్వడంతో అక్కడ బొల్లం మల్లయ్య యాదవ్​ గె లిచారు. రెడ్లు ఆధిపత్యం చెలాయించే సా గర్​, కోదాడలో బీసీ క్యాండిడేట్లు సత్తా చాటారు. ఏడు సార్లు ఎమ్మెల్యేగా గెలిచిన జానారెడ్డి తండ్రీకొడుకుల చేతుల్లో ఓటమిపాలయ్యారని, పీసీసీ మాజీ చీఫ్​ ఎంపీ ఉత్తమ్​కుమార్​ రెడ్డి భార్య పద్మావతి కోదాడలో ఓడిపోయారని కాంగ్రెస్ లోని బీసీ లీడర్లు గుర్తు చేస్తున్నారు.

బీఆర్ఎస్​లో సిట్టింగ్​ల ఓటమిని  కోరుకుంటున్న ఓసీ లీడర్లు.. 

మరోవైపు బీఆర్​ఎస్​లోనూ బీసీ ఎమ్మెల్యేల పైన ఓసీ లీడర్లు చేస్తున్న కుట్ర రాజకీయాలు వివాదాస్పదమవుతున్నాయి. కోదాడ, నాగార్జునసాగర్​ ఎమ్మెల్యేలు బొల్లం మల్లయ్య యాదవ్​, నోముల భగత్​లను మార్చాలని, లేదంటే  తమ సత్తా చూపిస్తామని కోదాడలో మాజీ ఎమ్మెల్యే చందర్​రావు, కన్మంత శశిధర్​ రెడ్డి, ఎర్నేని బాబు హైకమాండ్​కు అల్టిమేటం ఇచ్చారు. ఈ ఇద్దరు ఎమ్మెల్యే మీదికి  అసమ్మతి నేతలను రెచ్చగొడ్తున్న తీరు రాజకీయవర్గాల్లో చర్చనీయాంశమవుతోంది. సాగర్​లో భగత్​కు టికెట్​ ఇస్తే తాము  సపోర్ట్​ చేయమని రెడ్డి వర్గం నేతలు బాహాటంగానే  ప్రచారం చేస్తున్నారు. అవసరమైతే వచ్చే ఎన్నికల్లో జానారెడ్డికి సపోర్ట్​ చేయడానికి సిద్ధంగా ఉన్నట్లు చెప్తున్నారు.

మాటమార్చిన వెంకట్​రెడ్డి

మొన్నటి వరకు బీసీల కోసం అవరమైతే తన సీటు త్యాగం చేస్తానని చెప్పిన ఎంపీ కోమటిరెడ్డి వెంకట్​రెడ్డి ఇప్పుడు మాట మార్చి నల్గొండ నుంచి తానే పోటీ చేస్తానని ప్రకటించారు. సీనియర్లు పంచుకోగా నల్గొండ పార్లమెంట్​ పరిధిలో బీసీలకు మిగిలింది ఒక్క మిర్యాలగూడ అసెంబ్లీ స్థానం మాత్రమే! కానీ దానిని కూడా రెడ్డి వర్గానికే ఇచ్చేందుకు పావులు కదుపుతున్నారు. భువనగిరి ఎం పీ సెగ్మెంట్​లో ఎప్పట్లాగే ఆలేరు స్థానాన్ని బీసీలకు కేటాయించే అవకాశం కనిపిస్తోంది. దీంతోపాటే భువనగిరి స్థానాన్ని కూడా బీసీలకు ఇస్తామని వెంకటరెడ్డి  ప్రకటించారు. కానీ, ఇటీవల పార్టీలో జిట్టా బాలకృష్ణారెడ్డి చేరడంతో భువనగిరి టికెట్​ బీసీలకు దక్కుతుందా? లేదా? అనేది తేలడం లేదు. ఆలేరులో బీర్ల అయిలయ్య రేసులో ఉన్నారు. అటు పీసీసీ చీఫ్​ రేవంత్​, ఎంపీ వెంకటరెడ్డి అండదండలున్న బీర్ల అయిలయ్యకు టికెట్​ దక్కే ఛాన్స్​ ఉంది. కానీ ఆయన గెలుపునకు రెడ్డి సామాజికవర్గం లీడర్లు ఎంతవరకు సహకరిస్తారనే అనుమానాలు  వ్యక్తమవుతున్నాయి.