ముంబై: టీమిండియా స్టార్‌ ఆల్రౌండర్లు రవీంద్ర జడేజా, హార్దిక్‌ పాండ్యా, అక్షర్ పటేల్కు ప్రమోషన్‌ లభించింది. బీసీసీఐ సెంట్రల్ కాంట్రాక్టుల్లో జడేజా గ్రేడ్–ఎ నుంచి ఏడాదికి ఏడు కోట్ల జీతం వచ్చే ‘ఎ ప్లస్’లోకి ప్రమోషన్‌ దక్కించుకున్నాడు. ఈ మేరకు 2022–23 సీనియర్‌ మెన్స్‌ టీమ్ యాన్యువల్‌ ప్లేయర్ల రిటైనర్‌‌షిప్‌ కాంట్రాక్టులను బీసీసీఐ ఆదివారం ప్రకటించింది. పాండ్యా (సి నుంచి), అక్షర్ (బి నుంచి) ఏడాదికి ఐదు కోట్లు లభించే ‘ఎ’ గ్రేడ్‌‌లో చోటు దక్కించుకున్నారు. ఇందులో అశ్విన్, షమీ, పంత్ కూడా ఉన్నారు. ఇక, ఇటీవలే టెస్టు టీమ్లోకి వచ్చిన కేఎస్ భరత్కు గ్రేడ్ సి కాంట్రాక్ట్ దక్కింది.
సెంట్రల్ కాంట్రాక్టు వివరాలు
గ్రేడ్ ‘ఎ’ ప్లస్ (రూ.7 కోట్లు): - రోహిత్, కోహ్లీ, బుమ్రా, జడేజా
గ్రేడ్ ఎ (రూ. 5 కోట్లు): పాండ్యా, అశ్విన్, షమీ, పంత్, అక్షర్
గ్రేడ్ బి(రూ. 3 కోట్లు) :- పుజారా, రాహుల్, శ్రేయస్ అయ్యర్, సిరాజ్, సూర్యకుమార్, గిల్
గ్రేడ్ సి (రూ.1 కోటి): - ఉమేశ్‌ , ధవన్, శార్దూల్, ఇషాన్, దీపక్ హుడా, చహల్, కుల్దీప్ యాదవ్, సుందర్, శాంసన్, అర్ష్‌ దీప్, కేఎస్ భరత్.
