హైదరాబాద్, వెలుగు: వచ్చే ఎన్నికల్లో బీసీలకు ప్రాధాన్యం ఇచ్చేవిధంగా ఆయా సంఘాల నుంచి అభిప్రాయాలు తీసు కుంటున్నామని కాంగ్రెస్ నేత, ఓబీసీ డిక్లరేషన్ కమిటీ చైర్మన్ పొన్నం ప్రభా కర్అన్నారు. బీసీ సంఘాలు ఇచ్చిన ప్రతిపాదనలను పరిగణనలోకి తీసుకుం టామని ఆయన హామీ ఇచ్చారు. ఓబీసీ డిక్లరేషన్లో పొందుపరచాల్సిన అంశాలపై బుధవారం సెంట్రల్ కోర్ట్ హోటల్లో రౌండ్ టేబుల్ సమావేశాన్ని నిర్వహించారు.
ALSO READ: ఢిల్లీ లిక్కర్ స్కామ్లో .. మరోసారి అప్రూవర్గా రామచంద్ర పిళ్లై?
ఈ సందర్భంగా ఆయన మాట్లాడుతూ అధికారంలోకి వస్తే కచ్చితంగా బీసీ కులగణన చేస్తామని రాహుల్ గాంధీ చెప్పారని పొన్నం గుర్తు చేశారు. ఆ హామీని నెరవేరుస్తామ న్నారు. బలహీనవర్గాలకు అవకాశాలను కల్పించింది ఒక్క కాంగ్రెస్ పార్టీనే అన్నారు. విద్య, ఉద్యోగాల కల్పన చేసిన ఘనత కాంగ్రెస్పార్టీదేనని చెప్పారు. ఈ సమావేశంలో పొన్నాల లక్ష్మయ్య, కత్తి వెంకటస్వామి, బీసీ సంఘాల ప్రతినిధులు, విద్యార్థి సంఘాల నేతలు పాల్గొన్నారు.
