- ప్రజాశాంతి పార్టీ చీఫ్ కేఏ పాల్
- దళిత సీఎం లాంటిదే బీసీ నినాదం
- కవిత కొత్త వేషంతో ముందుకొస్తున్నది
నిజామాబాద్: పదేండ్లు బీఆర్ఎస్ కు అధికారం కట్టబెడితే దరిద్ర, అవినీతి, అక్రమ పాలనతో రాష్ట్రాన్ని ఆగం చేసిందని ప్రజాశాంతి పార్టీ వ్యవస్థాపకుడు కేఏపాల్విమర్శించారు. రూ.లక్షన్నర కోట్ల మిగులు ఆదాయం కలిగిన రాష్ట్రాన్ని కేసీఆర్పదేండ్లలో రూ.7లక్షల కోట్ల అప్పులు చేసి దివాళా తీయించారని ఆరోపించారు. సోమవారం ఆయన నిజామాబాద్సిటీలో మీడియాతో మాట్లాడారు. జైలుకు వెళ్లకముందు మహిళల కోసం పోరాడుతున్నానని చెప్పిన కవిత వర్కవుట్ కాకపోవడంతో ఇప్పుడు బీసీ నినాదంతో కొత్త వేషంతో ముందుకొస్తున్నారని ఎద్దేవా చేశారు.
దొరల కుటుంబమైన కేసీఆర్, కేటీఆర్, కవిత బీసీ నినాదాన్ని ఎలా ఎత్తుకుంటారని ప్రశ్నించారు. దళితుడిని సీఎం చేస్తానని చెప్పిన తరహాలోనే బీసీ నినాదంతో మోసగిస్తారన్నారు. ఎన్నికలప్పుడు తన ఆస్తులు రూ.25 లక్షలని తెలిపిన కవిత దుబాయ్లో రూ.25 కోట్ల విలువైన ఇల్లు ఎలా కొన్నారో చెప్పాలని డిమాండ్చేశారు. రూ.లక్షల కోట్లు సంపాదించిన కేసీఆర్కుటుంబ అవినీతి, అక్రమాల చిట్టా తన వద్ద ఉందని మూడు రోజుల్లో బయటపెడతానన్నారు. రాజకీయ అణిచివేత ఎదుర్కొంటున్న బీసీలంతా కాంగ్రెస్, బీఆర్ఎస్ నుంచి బయటకు రావాలని ఆయన పిలుపునిచ్చారు.
ప్రజాశాంతి పార్టీ కండువా మెడలో వేసుకుని సర్పంచ్లుగా గెలవాలని కోరారు. ఉచిత విద్య, వైద్యాన్ని తన ఫౌండేషన్ ద్వారా అందిస్తానన్నారు. అపాయింట్ఇవ్వని బిల్గేట్స్ను చంద్రబాబుకు, ప్రధాని దేవేగౌడకు తానే పరిచయం చేశానని పేర్కొన్నారు. డోనాల్డ్ట్రంప్ కూతురు ఇవాంక ట్రంప్ హైదరాబాద్వస్తే కేసీఆర్, కేటీఆర్, కవిత ఆమెతో కలిసి డ్యాన్స్లు చేశారని ఎద్దేవా చేశారు. ఎవరైనా తనతో పెట్టుకుంటే దైవ బటన్నొక్కుతానని వారు హుష్కాకేనని ఆయన పేర్కొన్నారు.
వందరోజుల్లోనే ఉచిత విద్య, వైద్యం అందిస్తాం
ఆదిలాబాద్ టౌన్ : రాష్ట్రంలో రాబోయే స్థానిక సంస్థల ఎన్నికల్లో తమ ప్రజాశాంతి పార్టీ అభ్యర్థులను గెలిపిస్తే వంద రోజుల్లో ఉచిత విద్య, వైద్యం అందిస్తామని ఆ పార్టీ అధ్యక్షుడు కేఏ పాల్ ప్రకటించారు. సోమవారం ఆదిలాబాద్ టౌన్ కు వచ్చిన ఆయన స్థానికంగా ప్రైవేట్ఫంక్షన్ హాల్లో నిర్వహించిన సమావేశానికి హాజరై మాట్లాడారు. గ్రామాల అభివృద్ధే తమ ముఖ్య ఉద్దేశమన్నారు. గ్రామాల్లో సర్పంచులుగా పార్టీ అభ్యర్థులను గెలిపిస్తే వంద రోజుల్లోనే అభివృద్ధి చేసి చూపుతామన్నారు.
