- మహిళ చనిపోయినా సినిమా హీరో స్పందించరా?
- పుష్ప 2 టీమ్పై మంత్రి కోమటిరెడ్డి వెంకట్రెడ్డి ఫైర్
హైదరాబాద్, వెలుగు: రాష్ట్రంలో ఇక నుంచి బెనిఫిట్ షోలకు అనుమతి ఇచ్చేది లేదని సినిమాటోగ్రఫీ మంత్రి కోమటిరెడ్డి వెంకట్రెడ్డి స్పష్టం చేశారు. బెనిఫిట్ షోలతో మనుషుల ప్రాణాలు తీస్తరా? అని ఆగ్రహం వ్యక్తం చేశారు. పుష్ప 2 సినిమా బెనిఫిట్ షో సందర్భంగా సంధ్య థియేటర్ వద్ద తొక్కిసలాట, మహిళ మృతి చెందిన ఘటనపై మంత్రి ఆవేదన వ్యక్తం చేశారు.
‘‘అలాంటి షోలకు సినిమా హీరోలు వెళ్లడం ఎంత వరకు కరెక్ట్? బెనిఫిట్ షోలతో మనుషుల ప్రాణాలు తీస్తరా? సంధ్య థియేటర్ ఘటనపై ఇప్పటి వరకు సదరు సినిమా హీరో స్పందించకపోవడం బాధాకరం. పోయిన మనిషి ప్రాణం వారు తీసుకొస్తరా?” అని ప్రశ్నించారు. శుక్రవారం హైదరాబాద్లో మంత్రి వెంకట్రెడ్డి మీడియాతో మాట్లాడారు. మృతురాలి కుటుంబాన్ని సినిమా హీరో, నిర్మాతలు ఆదుకోవాలన్నారు.
