ఈ పిల్లనాయాళ్ళు ఉన్నారే.. ఏం చేయాలో.. ఏం చేయకూడదో బొత్తిగా తెలియడంలే. ఒకడు చూస్తే గాంధీ తాత నోట్లో టపాసులు పెట్టి కాలుస్తాడు.. ఇంకొకడు చూస్తే, టపాసులు వెలిగించి వాటిపైన ప్లాస్టిక్ డబ్బాలు, గిన్నెలు బోర్లిస్తాడు. ఇప్పుడు మన కథనంలో ఉన్న వారు మరో రకం. టపాసుల పందెంలో గెలిస్తే ఆటో కొనిస్తామని చెప్పి.. ఒక యువకుడి ప్రాణాలు తీశారు. ఈ ఘటన బెంగళూరులో చోటుచేసుకుంది.
కోననకుంటెకు చెందిన కొందరు యువకులు.. స్నేహితుడైన శబరీష్(32)తో టపాసుల పందెం కాశారు. ఇంతకూ పందెం ఏంటంటే.. ఒక స్టీల్ డబ్బా కింద కొన్ని టపాసులు ఉంచుతారు.. ఆ డబ్బాపై వ్యక్తి కూర్చోవాలి.. అతను కూర్చున్న అనంతరం టపాసులు వెలిగిస్తారు.. వాటిని తట్టుకొని నిలబడితే బహుమతిగా ఆటో.. ఇదీ పందెం.
పోటీకి సరేనన్న శబరీష్.. స్నేహితులు చెప్పినట్టుగా డబ్బాపై కూర్చున్నాడు. అనంతరం వారు టపాసులను వెలిగించగా అవి భారీ శబ్దంతో పేలాయి. ఆ పేలుడుకు అతను గాలిలోకి ఎగిరి కింద పడి అక్కడికక్కడే ప్రాణాలు వదిలాడు. పేలుడు ధాటికి మృతుని ప్రైవేట్‌ భాగాలు పూర్తిగా కాలిపోయాయి. అందుకు సంబంధించిన దృశ్యాలు సమీపంలో ఉన్న సీసీటీవీలో రికార్డు అయ్యాయి.
In a heartbreaking incident in Konanakunte, 32-year-old Shabarish tragically lost his life when a box of firecrackers exploded beneath him. According to reports, Shabarish’s friends had dared him to sit on the box filled with firecrackers, promising to buy him an autorickshaw if… pic.twitter.com/PerMA6AP3q
— Karnataka Portfolio (@karnatakaportf) November 4, 2024
ఈ ఘటనపై కోననకుంటె పోలీసులు కేసు నమోదు చేసి ఆరుగురు నిందితులను అరెస్ట్ చేశారు.
