ఒకప్పుడు అంటే ట్రెడిషనల్ జాబ్స్ వైవే ఎక్కువ మంది మొగ్గు చూపేవారు. అంటే డాక్టర్, లాయర్, ఇంజినీర్, టీచర్ లాంటి ఉద్యోగాలు చేయడానికే ఇష్టపడేవారు. కానీ నేడు పరిస్థితులు మారాయి. క్రియేటివ్ జాబ్స్ చేయడానికి యువత ఆసక్తి చూపిస్తున్నారు. తమలోని క్రియేటివిటీని ప్రపంచానికి పరిచయం చేయాలని అవకాశాల కోసం ఎదురు చూస్తున్నారు. టెక్నాలజీ పెరుగుతున్న కొలదీ క్రియేటివ్ ఫీల్డ్లో అవకాశాలు బాగా పెరుగుతున్నాయి. గేమింగ్, ఫిల్మింగ్, స్టోరీ రైటింగ్, మార్కెటింగ్, అడ్వర్టైజింగ్, డిజైనింగ్, కంటెంట్ క్రియేటింగ్ లాంటి క్రియేటివ్ జాబ్స్కు విపరీతంగా డిమాండ్ పెరుగుతోంది. అందువల్ల మీకు నచ్చిన పనిచేస్తూనే, పేరుకు పేరు.. డబ్బుకు డబ్బు బాగా సంపాధించి సెట్టిల్ అవ్వొచ్చు. మంచి కెరీర్ ఉన్న, హై సాలరీ వచ్చే క్రియేటీవ్ జాబ్స్ ఏంటో ఇప్పుడు తెలుసుకుందాం.
మార్కెటింగ్ అండ్ అడ్వర్టైజింగ్
ఈ ఫీల్డ్లో క్రియేటివ్ డైరెక్టర్స్, బ్రాండ్ మేనేజర్స్, డిజిటల్ మార్కెటింగ్ స్ట్రాటజిస్ట్లకు మంచి అవకాశాలు ఉన్నాయి. ఈ మార్కెటింగ్ అండ్ అడ్వర్టైజింగ్ ఫీల్డ్లో యావరేజ్గా నెలకు రూ.60,000 వరకు సాలరీ సంపాధించవచ్చు. సోషల్ మీడియా మేనేజర్, ఎస్ఈఓ స్పెషలిస్ట్లు అయితే సంవత్సరానికి రూ.5 లక్షల నుంచి రూ.18 లక్షలు వరకు ప్యాకేజీ ఉంటుంది.
ఫిల్మ్ అండ్ మీడియా
స్క్రిప్ట్ రైటింగ్, ఫిల్మ్ డైరెక్షన్, ప్రొడక్షన్ డిజైనింగ్, యాక్టింగ్, ఎడిటింగ్ చేసేవారికి నేడు మంచి డిమాండ్ ఉంది. అయితే ఈ ఫీల్డ్లో మంచి సక్సెస్ సాధించిన వారికి బాగా డబ్బులు వస్తాయి. లేదంటే ఆర్థికంగా కాస్త ఇబ్బందిగానే ఉంటుంది.
ఆర్కిటెక్చర్ అండ్ ఇంటీరియర్ డిజైనింగ్
ఆర్కిటెక్ ఇంజినీరింగ్, డ్రాఫ్ట్స్మెన్, ఇంటీరియర్ డిజైనర్, కాంట్రాక్టర్స్ ఈ ఫీల్డ్లో ఉంటారు. వీరికి స్టార్టింగ్ సాలరీ సంవత్సరానికి రూ.3 లక్షల నుంచి రూ.4 లక్షల వరకు ఉంటుంది. అంతేకాదు.. మంచి పనితనం, బాగా ఎక్స్పీరియన్స్ ఉన్నవారు గంట కొద్దీ, ప్రాజెక్టుల వారీగా ఎక్కువ డబ్బే తీసుకుంటారు.
కంటెంట్ క్రియేషన్
ఈ ఫీల్డ్లో రైటర్స్, ఇన్ఫ్లూయెన్సర్స్, ఎడిటర్స్, గ్రాఫిక్ డిజైనర్స్, ఫొటోగ్రాఫర్స్ ఉంటారు. వీళ్లకు సోషల్ మీడియాలో బాగా ఫాలోయింగ్ ఉంటుంది. అయితే ఎంత పెద్ద సంఖ్యలో సబ్స్క్రైబర్లు ఉంటారో, అంత పెద్ద ఎత్తున వారికి ఆదాయం వస్తుంది.
ఇన్స్టాగ్రామ్, యూట్యూబ్, ఫేస్బుక్ లాంటి సోషల్ మీడియా ప్లాట్ఫామ్స్లో పనిచేసే సాధారణ కంటెంట్ క్రియేటర్లు సంవత్సరానికి సుమారుగా రూ.1 లక్ష నుంచి రూ.20 లక్షల వరకు ఎర్న్ చేస్తుంటారు. పెద్దపెద్ద ఇన్ఫ్లూయెన్సర్లు అయితే కోట్లాది రూపాయలు కూడా సంపాదిస్తుంటారు.
గేమింగ్
నేడు గేమింగ్ డిజైనర్లు, యానిమేటర్లు, స్టోరీ టెల్లర్లకు మంచి డిమాండ్ ఉంది. సాధారణ గేమ్ డెవలపర్లు సంవత్సరానికి సుమారుగా రూ.4 లక్షలు సంపాదిస్తూ ఉంటారు. కానీ మంచి స్కిల్, ఎక్స్పీరియన్స్ ఉన్నవారు ఇంకా ఎక్కువగానే సంపాదిస్తూ ఉంటారు.
