భద్రాచలం, వెలుగు : భద్రాచలం సీపీఐలో భారీ కుదుపులు ఏర్పడ్డాయి. ఆ పార్టీ రాష్ట్ర కౌన్సిల్ సభ్యులు, సీనియర్ లీడర్ రావులపల్లి రాంప్రసాద్, పార్టీ పట్టణ కార్యదర్శి ఆకోజు సునీల్లు బీఆర్ఎస్లో చేరారు. ఎమ్మెల్సీ తాతా మధు, బీఆర్ఎస్ అభ్యర్థి తెల్లం వెంకట్రావు హైకమాండ్ ఆదేశాల మేరకు శుక్రవారం రావులపల్లి రాంప్రసాద్ఇంటికి వెళ్లి పార్టీ కండువా కప్పి పార్టీలోకి ఆహ్వానించారు. మంత్రి పువ్వాడ అజయ్కుమార్ ఆధ్వర్యంలో ఇరువురు కామ్రేడ్స్ నాలుగు కార్లలో హైదరాబాదుకు బయలుదేరి వెళ్లారు.
అజయ్కుమార్కు రావులపల్లి రాంప్రసాద్ స్వయాన మేనబావ. సీపీఐకి నియోజకవర్గంలో కీలకనేత. మారుమూల గిరిజన గ్రామాల్లో కూడా ఈయనకు మంచి పట్టు ఉంది. గులాబీ పార్టీని బలోపేతం చేసే దిశగా హైకమాండ్ వ్యూహాత్మకంగా అనుసరిస్తున్న విధానాల్లో భాగంగానే రావులపల్లి రాంప్రసాద్ను ఆహ్వానించారు. ఇది సీపీఐకి భారీ షాక్. అయితే ఆయన సోదరుడు రావులపల్లి రవికుమార్ సీపీఐలోనే కొనసాగుతున్నారు.
