- గుట్టురట్టు చేసిన భద్రాద్రి పోలీసులు
భద్రాచలం, వెలుగు : స్వాముల ముసుగులో గంజాయి అక్రమ రవాణా చేస్తున్న ముఠా గుట్టును భద్రాచలం పోలీసులు రట్టు చేశారు. సీఐ నాగరాజురెడ్డి తెలిపిన వివరాల ప్రకారం.. సోమవారం కూనవరం రోడ్డులో సీఆర్పీఎఫ్ క్యాంపు సమీపంలో పోలీసులు తనిఖీ చేస్తున్నారు.
దేవుడి రథంలో వెళ్తున్న స్వాములపై అనుమానం వచ్చి రథాన్ని తనిఖీ చేశారు. అందులో 484 కిలోల గంజాయి పట్టుబడింది. ఛత్తీస్గఢ్, -ఒడిశా సరిహద్దుల నుంచి అక్రమంగా తరలిస్తున్నట్లు తేల్చారు. స్వాముల వేషంలో ఉన్న ముగ్గురు యువకులను అరెస్టు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.
