ములకలపల్లి, వెలుగు : పంచాయతీల ఆధ్వర్యంలో ఏర్పాటుచేసిన నర్సరీలపై స్పెషల్ఫోకస్ పెట్టాలని భద్రాద్రికొత్తగూడెం అడిషనల్ కలెక్టర్, డీఆర్డీవో విద్యా చందన ఆఫీసర్లకు సూచించారు. బుధవారం మండలంలోని సీతారాంపురం, పూసుగూడెం, పీకే రామవరం, మాదారం గ్రామాల్లో ఆమె పర్యటించారు. అంగన్వాడీ, ప్రాథమిక పాఠశాలలను, నర్సరీలను సందర్శించారు.
అమ్మ ఆదర్శ పాఠశాలల్లో చేపట్టిన పనులను త్వరగా పూర్తి చేయాలని అధికారులను ఆదేశించారు. అంగన్వాడీ టీచర్లు సమయపాలన పాటించాలని సూచించారు. వర్షాకాలం సీజన్ లో మొక్కలు నాటేందుకు ప్రణాళికలు తయారు చేయాలని చెప్పారు. ఆమె వెంట ఎంపీడీవో భారతి, ఎంపీవో లక్ష్మయ్య, ఏపీవో, జీపీ కార్యదర్శులు ఉన్నారు.
