- భద్రాద్రికొత్తగూడెం జిల్లాలో రూ. 4.50కోట్లతో నాలుగు చోట్ల లైబ్రరీల నిర్మాణం
- టెండర్ ఫైనలైనాబుక్స్, ఫర్నీచర్ రాకపోవడంతో ప్రారంభంలో జాప్యం
- మణుగూరులో కొత్తది ఓపెన్ అయినా పాత గ్రంథాలయంలోనే కొనసాగింపు
- ఖాళీగా కొత్తగూడెం, ఇల్లెందు, చర్ల లైబ్రరీ న్యూ బిల్డింగ్లు
భద్రాద్రికొత్తగూడెం, వెలుగు : జిల్లా కేంద్రమైన కొత్తగూడెంతో పాటు ఇల్లెందు, చర్ల, మణుగూరు ప్రాంతాల్లో గతేడాది రూ. 4.50 కోట్లతో లైబ్రరీ బిల్డింగ్లను నిర్మించారు. కానీ ఇంకా ప్రారంభించడం లేదు. మణుగూరులో ప్రారంభించినా పాత బిల్డింగ్లోనే గ్రంథాలయం కొనసాగుతోంది. అన్ని లైబ్రరీల్లో టెండర్ ఫైనలైనా బుక్స్, ఫర్నీచర్ రాకపోవడంతో ప్రారంభంలో జాప్యం జరుగుతున్నట్లు తెలుస్తోంది. కొత్త బిల్డింగ్లు ప్రారంభం కాకపోవడంతో పాత బిల్డింగ్ల్లోనే లైబ్రరీలు కొనసాగుతుండడంతో పాఠకులు ఇబ్బంది పడుతున్నారు.
ఇదీ పరిస్థితి..
గ్రంథాలయాల్లో నిరుద్యోగులు, పాఠకులకు మెరుగైన సౌకర్యాలు కల్పించేందుకు జిల్లాలోని కొత్తగూడెం, ఇల్లెందు, మణుగూరు, చర్ల ప్రాంతాల్లో కొత్త బిల్డింగ్లను నిర్మించారు. ఇల్లెందు, మణుగూరు, చర్ల ప్రాంతాల్లో ఒక్కొక్కటి రూ. కోటి చొప్పున, కొత్తగూడెంలో రూ. 1.50కోట్లతో లైబ్రరీల కోసం కొత్త బిల్డింగ్లను కట్టారు.
మణుగూరులో నిర్మించిన బిల్డింగ్ అసెంబ్లీ ఎన్నికలకు ముందే పూర్తి కావడంతో అప్పటి ఎమ్మెల్యే రేగా కాంతారావు ప్రారంభించారు. బిల్డింగ్ నిర్మించారే తప్ప పూర్తి స్థాయిలో ఫర్నీచర్, బుక్స్ రాకపోవడంతో పాత లైబ్రరీలోనే ప్రస్తుతం కొనసాగిస్తున్నారు.
కొత్తగూడెంతో పాటు ఇల్లెందు, చర్ల ప్రాంతాల్లో బిల్డింగ్లు పూర్తై మూడు నెలలు దాటుతున్నా ఇవి కూడా ఫర్నీచర్, బుక్స్ ఏర్పాటు చేయకపోవడంతో ప్రారంభానికి నోచుకోలేదు. కొత్తగా నిర్మించిన లైబ్రరీలకు అవసరమైన ఫర్నీచర్, కాంపిటేటీవ్ బుక్స్ కోసం దాదాపు రూ. 65లక్షలతో అధికారులు టెండర్లు పిలిచారు. టెండర్లు పూర్తై రెండు నెలలు దాటినా ఫర్నీచర్
బుక్స్ గ్రంథాలయాలకు చేరుకోలేదు. దీంతో పాత గ్రంథాలయాల్లో ఇరుకు గదుల్లోనే పాఠకులు అవస్థలు పడాల్సిన పరిస్థితి నెలకొంది. కొత్తగూడెంలోని పాత గ్రంథాలయం ఆవరణ చిన్న వానకే కుంటలా మారుతోంది. ఇప్పటికైనా ఉన్నాతాధికారులు స్పందించి త్వరగా లైబ్రరీ బిల్డింగ్లను ప్రారంభించాలని స్థానికులు కోరుతున్నారు.
