భద్రాద్రికొత్తగూడెం, వెలుగు : ప్రతీ వాహనదారుడు తప్పనిసరిగా రోడ్డు భద్రతా నియమాలను పాటించాలని ఎస్పీ రోహిత్ రాజ్ సూచించారు. జాతీయ రోడ్డు భద్రతా వారోత్సవాల సందర్భంగా కొత్తగూడెంలోని ప్రకాశం స్టేడియంలో గురువారం 2 వేల మంది వాహనదారులతో నిర్వహించిన అవగాహన కార్యక్రమంలో ఆయన మాట్లాడారు. వహనాలు నడిపేటప్పుడు హెల్మెట్, సీట్ బెల్టులు ధరించాలని చెప్పారు. ర్యాష్ డ్రైవింగ్, మద్యం తాగి డ్రైవ్ చేయొద్దన్నారు. ఆటో డ్రైవర్లు ఖాకీ యూనిఫాం ధరించాలని చెప్పారు.
జిల్లా వ్యాప్తంగా 8 వేల ఆటోలకు సంబంధించి పోలీసు శాఖ రూపొందించిన స్టిక్కర్లను ఎస్పీ ఆవిష్కరించారు. కళాబృందాలు ప్రదర్శించిన కళారూపాలు ఆకట్టుకున్నాయి. ఈ కార్యక్రమాన్ని ఏర్పాటు చేసిన కొత్తగూడెం డీఎస్పీ రెహమాన్, ట్రాఫిక్ ఎస్సైలు నరేశ్, మదార్, పట్టణ సీఐలు కరుణాకర్, రమేశ్, శివప్రసాద్, జూలూరుపాడు సీఐ ఇంద్రసేనారెడ్డిని ఎస్పీ సత్కరించారు.
