భద్రాద్రికొత్తగూడెం/ ఖమ్మం రూరల్, వెలుగు : భద్రాద్రికొత్తగూడెం కలెక్టరేట్లో శుక్రవారం రాత్రి బతుకమ్మ సంబురాలను ఘనంగా నిర్వహించారు. కలెక్టర్ డాక్టర్ ప్రియాంక అల బతుకమ్మను నెత్తిన పెట్టుకొని కలెక్టరేట్ ఆవరణలో ఏర్పాటు చేసిన సంబరాల వద్ద తీసుకు వచ్చారు. మహిళా ఆఫీసర్లు, కలెక్టరేట్ సిబ్బందితో కలిసి బతుకమ్మ ఆడి సందడి చేశారు.
ఖమ్మం రూరల్ మండలం పెద్దతండాలోని ప్రియదర్శిని ఉమెన్ ఇంజినీరింగ్ కాలేజీలో మహిళా లెక్చరర్లు, విద్యార్థినులు బతుకమ్మలు పేర్చి ఆట, పాటలతో ఆకట్టుకున్నారు. కొత్తగూడెంలోని సింగరేణి హెడ్ ఆఫీస్ ఆధ్వర్యంలోనూ బతుకమ్మ సంబరాలు అంబరాన్నంటాయి.
