హైదరాబాద్ సిటీ, వెలుగు: మానవ జీవితంలో అన్ని సమస్యలకు భగవద్గీత పరిష్కార మార్గం చూపుతుందని హరేకృష్ణ మూవ్మెంట్హైదరాబాద్అధ్యక్షుడు సత్య గౌరచంద్ర దాస ప్రభూజీ చెప్పారు. గీతా సందేశం కుల, మత, ప్రాంతాలకు అతీతమని, గీతను చదవడం, ఆచరించడం ద్వారా జీవితంలో పరిపూర్ణతను సాధించగలుగుతామని తెలిపారు.
బుధవారం బంజారాహిల్స్ లోని హరేకృష్ణ గోల్డెన్టెంపుల్లో గీతా జయంతి వేడుకలు వైభవంగా జరిగాయి. ఉదయం 9 గంటల నుంచి సాయంత్రం వరకు జరిగిన సంపూర్ణ గీతా పారాయణంలో భక్తులు పెద్ద ఎత్తున పాల్గొన్నారు. భగవద్గీతలోని 700 శ్లోకాలను పఠించారు. సత్య గౌరచంద్ర దాస ప్రభూజీ మాట్లాడుతూ.. 5 వేల ఏండ్ల కింద శ్రీకృష్ణుడు అర్జునుడికి గీతా జ్ఞానాన్ని అందించిన రోజు అని, దానికి గుర్తుగా గీతలోని 18 అధ్యాయాల నుంచి మొత్తం 700 శ్లోకాలను పఠించి ఈ రోజును జరుపుకుంటామని ఆయన తెలియజేశారు.
