పెద్దపల్లి, వెలుగు : పెద్దపల్లి జిల్లా బామ్లానాయక్ తండాలో భగీరథ పైప్ లైన్ పనులు మొదలయ్యాయి. తాగునీరు అందించడం లేదని ఈనెల 4న గ్రామ సర్పంచ్తో పాటు పాలకవర్గం వాటర్ట్యాంక్ ఎక్కి నిరసన తెలిపింది. దీంతో ఫోన్లో మాట్లాడిన అధికారులు వారంలోపు సమస్య పరిష్కరిస్తామని హామీ ఇచ్చారు. దీనిపై ఈ నెల 5వ తేదీన వెలుగులో ‘కాంగ్రెస్ సర్పంచ్అని ఊరికి భగీరథ నీళ్లిస్తలే' అనే కథనం పబ్లిష్ అయ్యింది. దీంతో బుధవారం భగీరథ ఇంజినీర్లు, సిబ్బంది బామ్లానాయక్ తండాకు వచ్చి పైప్ లైన్ పనులు ప్రారంభించారు. రెండు రోజుల్లో తండావాసులకు తాగునీరందిస్తామని చెప్పారు.
సర్పంచ్ రాజునాయక్ మాట్లాడుతూ తాము రెండేండ్లుగా తాగునీటి కోసం తిప్పలు పడుతున్నామన్నారు. అధికారులు, ప్రజాప్రతినిధుల చుట్టూ తిరిగినా సమస్య పరిష్కారం కాలేదన్నారు. మిషన్భగీరథ ట్యాంక్ ఎక్కి నిరసన తెలిపితే అధికారులు సమస్య పరిష్కరిస్తామని హామీ ఇచ్చారన్నారు. కానీ, ఇంత తొందరగా పరిష్కరిస్తారని అనుకోలేదన్నారు.
