జీడిమెట్ల, వెలుగు: మేడ్చల్ మల్కాజిగిరి జిల్లా జీడిమెట్లలోని భాగ్యనగర్గ్యాస్ పైప్లైన్మరోసారి లీకైంది. జీడిమెట్ల ఇండస్ట్రియల్ ఎస్టేట్ నుంచి రాంరెడ్డినగర్కు వెళ్లే నాలాలో ఉన్న ఈ పైప్లైన్ శుక్రవారం తెల్లవారుజామున లీకైంది. నాలా నుంచి ఒక్కసారిగా మంటలు ఉవ్వెత్తున ఎగసిపడడంతో చుట్టుపక్కల కంపెనీల యాజమాన్యాలతో పాటు స్థానికులు భయాందోళనకు గురయ్యారు. జీడిమెట్ల ఫైర్ సిబ్బంది వెంటనే సంఘటనా స్థలానికి చేరుకుని మంటలను అదుపు చేసే ప్రయత్నం చేసినప్పటికీ ప్రయోజనం దక్కలేదు.
భాగ్యనగర్ గ్యాస్ సిబ్బందికి సమాచారం ఇవ్వడంతో పైప్లైన్ను ఆఫ్చేసి మంటలను అదుపు చేశారు. దీంతో చుట్టుపక్కల కంపెనీ యాజమాన్యాలు, రాంరెడ్డినగర్ వాసులు ఊపిరి పీల్చుకున్నారు. అయితే, మంటలు చెలరేగడానికి గల కారణాలు తెలియరాలేదు. తరచూ ఈ పైప్లైన్ లీక్ అవుతుండడంపై ప్రజలు తీవ్ర ఆందోళన వ్యక్తం చేస్తున్నారు.
