రామ్ (Ram Pothineni) హీరోగా కొత్త చిత్రం ప్రారంభం కాబోతోంది. ‘మిస్ శెట్టి మిస్టర్ పొలిశెట్టి’ ఫేమ్ మహేష్ బాబు పి దర్శకత్వంతో ఈ సినిమా తెరకెక్కనుంది. మైత్రీ మూవీ మేకర్స్ బ్యానర్‌‌‌‌‌‌‌‌పై నవీన్ యెర్నేని, రవిశంకర్ యలమంచిలి నిర్మించనున్నారు. రేపు గురువారం (నవంబర్ 21న) పూజా కార్యక్రమాలతో ఈ చిత్రాన్ని మొదలుపెట్టనున్నారు. ఈ సందర్బంగా 'రాపో 22లో' రామ్ సరసన క్రేజీ బ్యూటీ భాగ్యశ్రీ బోర్సే (Bhagyashri Borse) నటిస్తున్నట్లు అధికారికంగా ప్రకటించారు మేకర్స్.
బ్యూటిఫుల్ భాగ్యశ్రీ బోర్సే ఇటీవలే రవితేజ హీరోగా హరీష్ శంకర్ తెరకెక్కించిన ‘మిస్టర్ బచ్చన్’ చిత్రంతో టాలీవుడ్ కి ఎంట్రీ ఇచ్చింది. ఈ సినిమా ప్రమోషన్స్ లో భాగంగా భాగ్యశ్రీ బోర్సే డ్యాన్స్ లతో, క్యూట్ లుక్స్తో తెలుగు ప్రేక్షకుల మనసు దోచేసింది. దీంతో టాలీవుడ్ లో వరుస అవకాశాలు వస్తోన్నాయి.
దుల్కర్ స‌ల్మాన్ (Dulquer Salmaan) హీరోగా రానా ద‌గ్గుబాటి నిర్మాణంలో ఓ పాన్ ఇండియ‌న్ మూవీ తెర‌కెక్కుతోంది. ఈ సినిమాలో దుల్కర్ స‌ల్మాన్తో రొమాన్స్ చేయబోతుంది ఈ లేటెస్ట్ బ్యూటీ. 'కాంతా'(Kaantha) పేరుతో తెర‌కెక్కుతోన్న ఈ పాన్ ఇండియ‌న్ మూవీ త‌మిళం, మ‌ల‌యాళం, క‌న్న‌డ భాష‌ల్లో రిలీజ్ కానుంది. ఆ తర్వాత రౌడీ హీరో విజయ్‌ దేవరకొండ, గౌతమ్‌ తిన్ననూరి కాంబోలో వస్తున్న మూవీలో కూడా ఈ అమ్మడు నటిస్తోంది. అంతేకాకుండా నాని సుజిత్ డైరెక్షన్లో వస్తోన్న మూవీలో కూడా ఛాన్స్ దక్కించుకున్నట్లు టాక్.
Also Read :- థియేటర్ల ప్రాంగణంలో వారికి నో ఎంట్రీ
ఈ మధ్య కాలంలో ఇంత స్పీడ్‌గా బ్యాక్ టు బ్యాక్ ఆఫర్లు దక్కించుకున్న హీరోయిన్ భాగ్య శ్రీ మాత్రమే. తక్కువ టైంలో పాపులారిటీని సొంతం చేసుకున్న ఈ అమ్మడు ముందు ముందు టాలీవుడ్‌లో స్టార్‌ హీరోయిన్గా గుర్తింపు దక్కించుకోవడం ఖాయమని సినీ పండితులు విశ్లేషిస్తున్నారు.
ఇకపోతే 'రాపో 22' విషయానికి వస్తే.. డైరెక్టర్ మహేష్ బాబు గతంలో నవీన్ పొలిశెట్టి, అనుష్క శెట్టితో మిస్ శెట్టి మిస్టర్ పొలిశెట్టి సినిమా చేశాడు. యూవీ క్రియేషన్స్ నిర్మిచిన ఈ సినిమా మంచి విజయాన్ని సాధించింది. ఈ దర్శకుడు రామ్ కోసం లవ్ అండ్ ఎమోషనల్ ఎంటర్టైనర్ కథను సిద్ధం చేశాడట. మరి రేపు ఈ సినిమాకి సంబంధించి టైటిల్ ప్రకటించే అవకాశం ఉంది.
The recent sensation #BhagyashriBorse joins #RAPO22 adding her charm and brilliance to the beautiful journey ❤️🔥
— Mythri Movie Makers (@MythriOfficial) November 20, 2024
The journey begins with the pooja ceremony tomorrow ✨
Stay tuned!
Starring @ramsayz
Written and directed by @filmymahesh
Produced by @MythriOfficial.#RAPO pic.twitter.com/9XehPKydAO
