కూసుమంచి/ఖమ్మం కార్పొరేషన్, వెలుగు: ఖమ్మం జిల్లా పాలేరు జవహర్ నవోదయ విద్యాలయంలో కరెంట్షాక్తో మృతి చెందిన స్టూడెంట్హలావత్ దుర్గా నాగేందర్ కుటుంబానికి ప్రభుత్వం నష్ట పరిహారం అందజేయడంతోపాటు, బాలుడి తండ్రికి ఉద్యోగం కల్పించాలని సీఎల్పీ నేత భట్టి విక్రమార్క డిమాండ్చేశారు. ఆదివారం ఆయన కూసుమంచి మండలం పాలేరులోని నవోదయ స్కూల్ను సందర్శించారు. స్టూడెంట్ఫొటోకు నివాళి అర్పించి, నవోదయ స్కూల్హైదరాబాద్ రీజనల్అసిస్టెంట్ కమిషనర్ అబిజీత్ బేరతో మాట్లాడారు. అనంతరం భట్టి మాట్లాడుతూ.. కరెంట్షాక్ఘటనపై జిల్లా కలెక్టర్ వీపీ గౌతమ్, నవోదయ సమితి అధికారులతో మాట్లాడతామన్నారు. పేద గిరిజన విద్యార్థి మృతి చెందడం బాధకరం అన్నారు. ఆయన వెంట జిల్లా కాంగ్రెస్ అధ్యక్షుడు దుర్గాప్రసాద్, లీడర్లు రాయల నాగేశ్వరరావు, గువరయ్య, కిరణ్, అంతోటి వెంకన్న ఉన్నారు.
అలాగే అమరావతి - నాగ్పూర్, -దేవరపల్లి - ఖమ్మం నేషనల్హైవేల విస్తరణతో భూములు కోల్పోతున్న రైతులతో కలిసి భట్టి విక్రమార్క ఆదివారం వందనం-, కోదుమూరు వద్ద హైవే పనులను పరిశీలించారు. ఈ సందర్భంగా ఆయన మాట్లాడుతూ.. తక్కువ నష్టపరిహారం ఇస్తే రైతులు తీవ్రంగా నష్టపోతారని చెప్పారు. గ్రామాల సమీపంలో అండర్ పాస్ లు, సర్వీస్రోడ్లు ఏర్పాటు చేయాలని కోరారు.
