జైపూర్, వెలుగు: చెన్నూర్ ఎమ్మెల్యే వివేక్ వెంకటస్వామిపై తప్పుడు ఆరోపణలు చేస్తే ఊరుకోబోమని భీమారం మండల కాంగ్రెస్ లీడర్లు హెచ్చరించారు. శుక్రవారం మండల కేంద్రంలో ఏర్పాటు చేసిన సమావేశంలో మాట్లాడారు. మండల పరిధిలోని నేషనల్ హైవే జోడువాగుపై బ్రిడ్జి నిర్మాణం జరగకుండా ఎమ్మెల్యే అడ్డుకుంటున్నారని బీఆర్ఎస్ లీడర్ కలగూర రాజ్కుమార్ అవగాహన లేకుండా మాట్లాడుతున్నాడని మండపడ్డారు.
నియోజకవర్గాన్ని అన్ని రంగాల్లోఅభివృద్ధి చేసేందుకు ఎమ్మెల్యే వివేక్ వెంకటస్వామి విశేష కృషిచేస్తున్నారని తెలిపారు. ఎమ్మెల్యేపై అనుచిత వ్యాఖ్యలు చేస్తే ఊరుకునేదిలేదని వెల్లడించారు. లీడర్లు తైనేని రవి, బూనేని సుధాకర్, అంగడి రాజ్యం, కోట రమేశ్, రవితేజ, అజయ్, నరేశ్ తదితరులు పాల్గొన్నారు.
