సినీ సీలెబ్రెటీలకు బెదిరింపుల పర్వం ఆగడం లేదు. సల్మాన్ ఖాన్, షారుఖ్ ఖాన్ తరువాత భోజ్‌పురి సినీ నటి, హీరోయిన్ అక్షరా సింగ్‌కు బెదిరింపు కాల్స్ కలకలం రేపాయి. భోజ్‌పురి నటికి ఫోన్ చేసిన ఆగంతకుడు రూ.50 లక్షలు డిమాండ్ చేశాడు. ఇవ్వకపోతే చంపేస్తానని బెదిరించాడు.
దీనిపై నటి పాట్నాలోని దానాపూర్ పోలీసులకు పిర్యాదు చేసింది. ఫిర్యాదులో నటి తనకు బెదిరింపు కాల్స్ వచ్చిన నంబర్లను కూడా పేర్కొంది. అక్షరా సింగ్ పిర్యాదు మేరకు ఎఫ్ఐఆర్ నమోదు చేసిన దానాపూర్ పోలీసులు.. ఆ మొబైల్ నెంబర్ ఎవరిది..? ఎక్కడి నుంచి ఫోన్ చేశారనే దానిపై దర్యాప్తు మొదలు పెట్టారు.
ఎవరీ అక్షర సింగ్..?
భోజ్‌పురి క్వీన్‌గా ప్రసిద్ధి చెందిన అక్షర సింగ్.. చిత్ర పరిశ్రమలో సుపరిచితమైన ముఖం. 2010లో సత్యమేవ జయతే చిత్రంతో సినీ అరంగేట్రం చేసింది. ప్రాణ్ జాయే పర్ వచన్ నా జాయే అనే ఫ్యామిలీ డ్రామాలోనూ కనిపించింది.
