- హాజరుకానున్న మంత్రులు కోమటిరెడ్డి, ఉత్తమ్
మిర్యాలగూడ, వెలుగు : పట్టణంలోని రామచంద్రగూడెం వై జంక్షన్, నందిపాడు, చింతపల్లి, ఈదులగూడ బైపాస్ జంక్షన్ల వద్ద నూతన ఫ్లై ఓవర్ల నిర్మాణానికి భూమిపూజ, శంకుస్థాపనకు మంత్రులు కోమటిరెడ్డి వెంకట్రెడ్డి, ఉత్తమ్ కుమార్ రెడ్డి హాజరుకానున్నట్లు ఎమ్మెల్యే బత్తుల లక్ష్మారెడ్డి తెలిపారు. మంగళవారం పట్టణంలోని క్యాంపు ఆఫీస్ లో ఏర్పాటు చేసిన మీడియా సమావేశంలో ఆయన మాట్లాడారు.
కార్యక్రమానికి ఎంపీలు చామల కిరణ్ కుమార్ రెడ్డి, రఘువీర్రెడ్డి, ఎమ్మెల్యే వీరేశం హాజరుకానున్నట్లు తెలిపారు. అనంతరం మహబూబాబాద్లోని వరద బాధితులకు బియ్యం పంపిణీ చేయనున్నట్లు తెలిపారు.
