భువనగిరి ఎంపీ చామల కిరణ్కుమార్ రెడ్డి
యాదాద్రి, వెలుగు : రెండు నెలల్లో పొల్యూషన్ కంట్రోల్ చేయని ఫార్మా కంపెనీలకు తాళం వేస్తామని భువనగిరి ఎంపీ చామల కిరణ్కుమార్ రెడ్డి హెచ్చరించారు. యాదాద్రి జిల్లా భూదాన్ పోచంపల్లి మండలం దోతిగూడెం, అంతమ్మగూడెంలోని ఫార్మా కంపెనీలను ఎమ్మెల్యే కుంభం అనిల్కుమార్రెడ్డి, కలెక్టర్ హనుమంతు జెండగే, పొల్యూషన్కంట్రోల్ బోర్డు ఆఫీసర్లతో కలిసి తనిఖీ చేశారు.
ఈ సందర్భంగా ఇక్కడి వాటర్తో పంటలు పండించలేని పరిస్థితిలో ఉందని పలువురు గ్రామస్తులు ఫిర్యాదు చేశారు. ఈ కంపెనీల కారణంగా గ్రౌండ్ వాటర్తోపాటు గాలిలో పొల్యూషన్ పెరిగిపోయిందని గుర్తించారు. అనంతరం ఎంపీ మీడియాతో మాట్లాడుతూ ఇటీవల జరిగిన పార్లమెంట్ సమావేశాల్లో ఫార్మా కంపెనీలు వెదజల్లుతున్న పొల్యూషన్ గురించి పర్యావరణశాఖ మంత్రికి వివరించినట్టు తెలిపారు.
పొల్యూషన్ తగ్గించడానికి చర్యలు తీసుకోవాలని గతంలోనే ఈ కంపెనీలను హెచ్చరించిన వారు పట్టించుకోవడంల లేదన్నారు. ఆ కంపెనీలకు రెండు నెలలు టైం ఇస్తున్నానని, ఆలోగా పొల్యూషన్ ను కంట్రోల్ చేయకపోతే చర్యలు తప్పవని హెచ్చరించారు.
