భూదాన్ పోచంపల్లి, వెలుగు : కల్తీ పాలు తయారు చేస్తున్న వ్యక్తిని భువనగిరి ఎస్వోటీ పోలీసులు అరెస్ట్ చేశారు. పోలీసుల వివరాల ప్రకారం.. యాదాద్రి భువనగిరి జిల్లా భూదాన్ పోచంపల్లి మండలం ముక్తాపూర్ గ్రామానికి చెందిన సన్న ప్రశాంత్ కొంతకాలంగా కల్తీ పాలు తయారుచేసి విక్రయిస్తున్నాడు.
విషయం తెలుసుకున్న ఎస్వోటీ పోలీసులు మంగళవారం ప్రశాంత్ ఇంటిపై దాడులు చేసి 60 లీటర్ల కల్తీ పాలు, 250 ఎంఎల్ హైడ్రోజన్ పెరాక్సైడ్, 8 ప్యాకెట్ల మిల్క్ పౌడర్ ను స్వాధీనం చేసుకున్నారు. నిందితుడు ప్రశాంత్ను అరెస్ట్ చేసి భూదాన్ పోచంపల్లి పీఎస్కు తరలించారు.
