రైటర్.. డైరెక్టర్..హీరో..విశ్వక్ సేన్ (Vishwaksen) నటిస్తున్న లేటెస్ట్ మూవీ గ్యాంగ్స్ ఆఫ్ గోదావరి (Gangs of Godavari). ఈ మూవీ నుంచి అదిరిపోయే ఐటమ్ సాంగ్ వస్తుందని తెలుస్తోంది..మాస్ కా దాస్ విశ్వక్ సేన్తో ఆడిపాడబోయే ఐటెం భామ ఈషా రెబ్బా (Eesha Rebba) అని వార్తలు వినిపించాయి. అయితే, ఈ స్పెషల్ సాంగ్‌లో కనిపించబోయేది బిగ్‌బాస్‌ సీజన్‌ 17 (హిందీ) ఫేం అయేషా ఖాన్‌(Ayesha Khan) అని సమాచారం.
నిన్న రాత్రే (జనవరి 31) విశ్వక్‌సేన్‌, అయేషాఖాన్‌ మధ్య వచ్చే ట్రాక్‌ కంప్లీట్ అయినట్లు ఇన్‌సైడ్‌ టాక్‌. అయేషాఖాన్‌ 2022లో వచ్చిన విశ్వక్ సేన్ మూవీ ముఖచిత్రంలో కీలక పాత్రలో నటించింది. మరి ఈ భామ స్పెషల్ టాలీవుడ్ టాప్ ఐటెం సాంగ్‌లో ఎలాంటి మెస్మరైజింగ్ స్టెప్పులు వేస్తుందోనని ఫ్యాన్స్ ఆసక్తిగా వెయిట్ చేస్తున్నారు. త్వరలో ఈ ఐటెం సాంగ్ అప్డేట్ ను మేకర్స్ అధికారికంగా ప్రకటించే అవకాశం కనిపిస్తోంది.
గ్యాంగ్స్ ఆఫ్ గోదావరి కథ విషయానికి వస్తే..సముద్రం ఒడ్డున నివసించే సాధారణ హీరో..ఊహించని స్థాయిలో పెద్ద నాయకులను ఎదిరించి..వారికి దీటుగా ఎలా నిలిచాడు అనేది ఈ మూవీలోని అసలు కథ అని తెలుస్తోంది. ఇంతవరకూ బాడీ లాంగ్వేజ్ పరంగా..డైలాగ్ డెలివరీ పరంగా మాత్రమే మాస్గా కనిపించిన విష్వక్, ఈ సినిమాలో మాస్ లుక్ తోనే కనిపిస్తున్నారు.
రౌడీ ఫెలో,చల్ మోహన్ రంగా వంటి మూవీస్ని తెరకెక్కించిన కృష్ణ చైతన్య ఈ సినిమాని డైరెక్ట్ చేస్తున్నాడు. సితార ఎంటర్‌టైన్‌మెంట్స్‌, శ్రీకర స్టూడియోస్‌, ఫార్చ్యూన్‌ ఫోర్‌ సినిమాస్‌ బ్యానర్లపై సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్నారు. యువన్‌ శంకర్‌ రాజా సంగీతం అందించనున్నారు.
