వాషింగ్టన్ : ఆర్టిఫీషియల్ఇంటెలిజెన్స్(ఏఐ) చాట్ బోట్ విభాగంపై బడా టెక్ కంపెనీలు కన్నేశాయి. ఏ రంగంలోకి అడుగుపెట్టినా సంచలనం సృష్టించే బిలియనీర్ ఎలాన్ మస్క్ కూడా ఏఐ చాట్ బోట్ తీసుకురావాలని ప్లాన్ చేస్తున్నారు. మైక్రో సాఫ్ట్ కు చెందిన ‘చాట్ జీపీటీ’ దీటుగా సరికొత్త ఏఐ చాట్బోట్ను తీసుకొచ్చేందుకు ఆయన రెడీ అవుతున్నారు. ఇందుకోసం ఆయన పలువురు ప్రముఖ ఏఐ సైంటిస్టులతో చర్చలు జరిపారంటూ ఇంటర్నేషనల్ మీడియాలో వార్తలు వస్తున్నాయి. వాస్తవానికి ‘చాట్ జీపీటీ’ కో ఫౌండర్స్లో మస్క్ కూడా ఒకరు. 2018లో ఆయన చాట్ జీపీటీ కంపెనీ బోర్డ్ మెంబర్ పదవికి రాజీనామా చేశారు. టెస్లా కంపెనీ ఏఐ విభాగాన్ని స్టార్ట్చేస్తున్నందున .. అదే టెక్నాలజీపై పనిచేసే మరో కంపెనీలో కొనసాగలేనని ఆయన అప్పట్లో వెల్లడించారు.
ఈ నేపథ్యంలోనే ఆయన టెస్లా నుంచి ఏఐ చాట్బోట్ను తీసుకొచ్చేందుకు సిద్ధమవుతున్నట్లు తెలుస్తోంది. మెటా వర్స్ విభాగంలో భారీగా పెట్టుబడులు పెట్టి నష్టపోయిన ఫేస్ బుక్(మెటా) అధినేత మార్క్ జుకర్బర్గ్ఇప్పుడు ఏఐ చాట్బోట్ అభివృద్ధిపై దృష్టిపెట్టారనే ప్రచారం జరుగుతోంది. వాట్సాప్, ఫేస్ బుక్ మెసెంజర్, ఇన్ స్టాగ్రామ్ లకు అనుసంధానమై పనిచేసే ఏఐ చాట్బోట్ ను తీసుకొచ్చేందుకు ఆయన సన్నాహాలు చేస్తున్నారు. ఈవిషయాన్ని స్వయంగా జుకర్బర్గ్ ఫిబ్రవరి 28న ఫేస్ బుక్ వేదికగా ప్రకటించారు. చైనా టెక్ దిగ్గజం ‘బైదూ’ కూడా ఏఐ చాట్ బోట్ను తీసుకొచ్చేందుకు కసరత్తు చేస్తోంది. ఈ విభాగంలో ఇప్పటికే ఆ కంపెనీ భారీగా పెట్టుబడులు పెట్టింది. గూగుల్ కూడా ఇటీవల ‘బార్ట్’ పేరుతో ఏఐ చాట్ బోట్ను అనౌన్స్ చేసింది.
