బిగ్ బాస్ తెలుగు 8 (Bigg Boss Telugu 8) పదివారాలు కంప్లీట్ చేసుకుని పదకొండో వారంలో అడుగుపెట్టింది. ఎప్పటిలాగే గొడవలు, కామెంట్స్, నామినేషన్స్, ఎలిమినేషన్ ఇలా ప్రతీది జరుగుతూనే ఉంది. కానీ, ఒక్కటి గమనించారా? ఇప్పటివరకు బిగ్ బాస్ తెలుగు 8 సీజన్‌లో ఎలిమినేట్ అయింది ఎక్కువ తెలుగు కంటెస్ట్స్ మాత్రమే.
ఎలిమినేటెడ్ కంటెస్టెంట్స్::
అందులో బెజవాడ బేబక్క, ఆర్జే శేఖర్ బాషా, అభయ్ నవీన్, సోనియా ఆకుల, ఢీ డ్యాన్సర్ నైనిక, కిర్రాక్ సీత, ఆదిత్య ఓం, మెహబూబ్, నాగ మణికంఠ, హరితేజ, గంగవ్వ ఇలా తెలుగు కంటెస్టెంట్స్ ఎలిమినేట్ అయి వెళ్లిపోతున్నారు. ఒక ఆదిత్య ఓం మాత్రమే వేరే స్టేట్. కానీ, తెలుగు సినిమాలతో అందరికీ సుపరిచితం. మిగతా వారిలో అందరు తెలుగువాళ్లే!
వారం వారం బిగ్ బాస్ యాజమాన్యం,హోస్ట్ నాగార్జున కన్నడ బ్యాచ్‌ని కాపాడుకుంటూనే వస్తున్నారు. నెటిజన్ల మదిలో ఎప్పట్నుంచో మెదులుతున్న ఈ ప్రశ్నలకి ఇంతకంటే రుజువు ఏం కావాలి. అయితే, తెలుగు కంటెస్టెంట్స్కి ఫేమ్ లేదా.. వారు సరిగా ఆడట్లేదా అనే ప్రశ్నలు మాత్రం ఎప్పటికప్పుడు ఎదురవుతున్నాయి. అయినా తెలుగు కంటెస్ట్స్ ఎలిమినేట్ అవ్వక తప్పట్లేదు.
ఈ వారం నామినేషన్స్:
గంగవ్వ, హరితేజ ఎలిమినేషన్స్తో.. బిగ్ బాస్ హౌస్లో 10 మంది కంటెస్టెంట్స్ మిగిలారు. సోమవారమే నామినేషన్స్ ప్రక్రియ ముగిసింది. వారిలో యష్మి, గౌతమ్, విష్ణుప్రియ, టేస్టీ తేజ, పృథ్వి, అవినాష్ నామినేట్ అయినట్లు బిగ్ బాస్ ప్రకటించారు.
ALSO READ | మాస్ గుర్రంపై బాలకృష్ణ.... NBK109 టైటిల్ ఇదేనా..?
ఇక ఈ వారం ఓటింగ్ లెక్కలు చూసుకుంటే.. ఎప్పటిలాగే గౌతమ్ టాప్ లో కొనసాగుతున్నాడు. రెండో ప్లేస్‌లో యష్మి ఉంది. చివరి మూడు స్థానాల్లో పృథ్వీ, విష్ణుప్రియ, అవినాష్ డేంజ‌ర్ జోన్‌లో ఉన్నారు. అయితే, ఈ వారం యాంకర్ విష్ణుప్రియ, పృథ్వీల‌లో ఒక‌రు హౌజ్ నుంచి ఎలిమినేట్ అయ్యే ఛాన్స్ ఉన్నట్లు సమాచారం. మరి ఈ వారం ఎలిమినేట్ అవుతారో చూడాలి.
పదకొండో వారం ఓటింగ్‌లో ఎవరెక్కడ ఉన్నారంటే::
గౌతమ్ - 24%
యష్మీ- 19-20%
తేజ - 18-20%
అవినాష్ - 14%
పృథ్వీరాజ్ - 14%
విష్ణుప్రియ - 12%
కాగా ఈ ఓటింగ్ ప్రక్రియ లాస్ట్ డే వరకు మారుతూవుంటుంది.
