బిగ్ బాస్ షో ఫైనల్స్ దగ్గరపడుతున్నకొద్దీ షోపై ఉత్కంఠ పెరుగుతోంది. ఇందులోభాగంగా వీక్ డేస్ లో టాస్క్లు, వీకెండ్ లో ఎలిమినేషన్స్ తో ఆసక్తిగా ఉంటోంది. అయితే గతవారం కన్నడ నటి యష్మీ గౌడ బిగ్ బాస్ హౌస్ నుంచి ఎలిమినేట్ అయ్యింది. కాగా ఈ వారం హౌస్ లో రెండు ఎలిమినేషన్స్ ఉండబోతున్నట్లు తెలుస్తోంది.
లెస్టెస్ట్ సమాచారం ప్రకారం ఈ వారం ప్రముఖ యూట్యూబర్ టేస్టీ తేజ ఎలిమినేట్ అయినట్లు తెలుస్తోంది. అయితే తేజతో పాటూ మరో కంటెస్టెంట్ అయిన కమెడియన్ అవినాష్ కూడా ఎలిమినేట్ కాబోతున్నట్లు సమాచారం. ఈ వారం ఓటింగ్ లిస్టులో తక్కువ ఓట్లు వచ్చాయి. దీంతో ఈవారం డబుల్ ఎలిమినేషన్ ఉండడబోతున్నట్లు టాక్ వినిపిస్తోంది.
కాగా ఇప్పటికే ఈ విషయం తెలుసుకున్న అవినాష్ భార్యకూడా ఈరోజు జరిగే ఎలిమినేషన్ ఎపిసోడ్ కి వచ్చినట్లు తెలుస్తోంది. అయితే ఇపప్టివరకూ బిగ్ బాస్ హౌస్ లో దాదాపుగా 9మంది మిగిలారు. ఇందులో ఇప్పటివరకూ జరిగిన ఆన్ లైన్ ఓటింగ్ లో గౌతం కృష్ణ - 27%, ప్రేరణ - 14.81%, నిఖిల్ - 14.26% తదితరులు ముందంజలో ఉన్నారు.
ఈ విషయం ఇలా ఉండగా డిసెంబర్ 15న బిగ్ బాస్ 8వ సీజన్ పూర్తి కావాల్సి ఉంది. కానీ పలు అనుకోని కారణాలవల్ల బిగ్ బాస్ ఫైనల్స్ డిసెంబర్ 22న జరుగనున్నట్లు సమాచారం. దీంతో ఒకవారం పాటూ ప్రేక్షకులకి అదనంగా ఎంటర్టైన్ మెంట్ అందించేందుకు షో నిర్వాహకులు ప్లాన్ చేస్తున్నారు. దీంతో బిగ్ బాస్ ఫ్యాన్స్ అనందం వ్యక్తం చేస్తున్నారు.
