బిగ్బాస్ సీజన్ 8 (Bigg Boss Telugu 8) పన్నెండో వారం ఎండింగ్ కి వచ్చింది. ప్రస్తుతం హౌజ్‌లో పదిమంది కంటెస్టెంట్స్ మాత్రమే మిగిలారు. వారిలో గౌతమ్, నిఖిల్, నబీల్, పృథ్వీ, యష్మీ, ప్రేరణ, అవినాష్, రోహిణి, విష్ణుప్రియ, టేస్టీ తేజ ఉన్నారు. ఈ వారం నామినేషన్స్లో నిఖిల్, ప్రేరణ, పృథ్వీ, యష్మీ, నబీల్ ఐదుగురు కంటెస్టెంట్స్ ఉన్నారు.
ఈ వారం హౌజ్ నుంచి ఇద్దరు ఎలిమినేట్ కానున్నారు. ఇందులో భాగంగా ఇవాళ శనివారం (నవంబర్ 23న) ఒకరు ఎలిమినేట్ కానున్నారు. నిన్న శుక్రవారం (NOV 22)తో ఓటింగ్ పోల్స్ క్లోజ్ అయ్యాయి. మరి ఎవరు టాప్లో ఉన్నారు? ఎవరు ఎలిమినేట్ కానున్నారు? డేంజర్ జోన్లో ఉన్న చివరి ఇద్దరెవరు? అనేది చూద్దాం.
ఈ వారం బిగ్ బాస్ ఓటింగ్ లెక్కలు పూర్తిగా మారిపోయాయి. చివరి వారం టాప్లో ఉన్నవారు ప్రస్తుతం (ఈ పన్నెండో వారం) మొదటి రెండ్రోజులు టాప్ 2 కి వచ్చి చేరారు. ఇక ఈ వీకెండ్ ఎండ్ లోపు టాప్ 4 కి మారిపోయారు.
లేటెస్ట్ అప్డేట్ ప్రకారం.. నిఖిల్ ఫస్ట్ ప్లేస్లో ఉన్నాడు. తన ఆటతో, తను బయట పెంచుకున్న ఫ్యాన్ ఫాలోయింగ్ లీడ్ లో ఉన్నాడు. రెండో స్థానంలో నబీల్ నిలిచాడు. అయితే, వీరిద్దరి స్థానాల్లో స్వల్ప మార్పు మాత్రమే ఉందని టాక్. ఇంకా ఆన్ లైన్ లో జరిగే మరికొన్ని ఓటింగ్ పోల్స్‌లో నబీల్ టాప్ 1లో ఉండగా..నిఖిల్ రెండో స్థానంలో ఉన్నట్లు చెబుతున్నాయి. థర్డ్ ప్లేస్లో ప్రేరణ ఉండగా.. నాల్గొవ స్థానంలో యష్మీ గౌడ ఉంది. ఇక ఐదవ స్థానంలో పృథ్వీ ఉన్నాడు. దీన్ని బట్టి చూస్తే ఈ పన్నెండో వారం డేంజర్ జోన్లో ఉన్న చివరి ఇద్దరిలో యష్మీ గౌడ,పృథ్వీ ఉన్నారు. దీంతో శనివారం రోజు పృథ్వీ హౌజ్ నుంచి బయటికి వెళ్లే ఛాన్స్ ఉంది.
ALSO READ | RC17: రామ్ చరణ్ కోసం టాలెంటెడ్ బ్యూటీని రంగంలోకి దింపుతున్న డైరెక్టర్ సుకుమార్!
అయితే, ముందు చెప్పినట్టుగా ఈ వారంలో ఇద్దరు ఎలిమినేట్ కానున్నారు. అందులో యష్మీ గౌడ, పృథ్వీ ఉన్నారు. ఇక ఈ వారం కన్నడ బ్యాచ్కి చెందిన వీరిద్దరిని బిగ్ బాస్ బయటికి పంపించే తరుణం వచ్చేసింది.
ఇప్పటివరకు బిగ్ బాస్ తెలుగు 8 సీజన్‌లో ఎలిమినేట్ అయింది ఎక్కువ తెలుగు కంటెస్ట్స్ మాత్రమే. అందులో బెజవాడ బేబక్క, ఆర్జే శేఖర్ బాషా, అభయ్ నవీన్, సోనియా ఆకుల, ఢీ డ్యాన్సర్ నైనిక, కిర్రాక్ సీత, ఆదిత్య ఓం, మెహబూబ్, నాగ మణికంఠ, హరితేజ, గంగవ్వ ఇలా తెలుగు కంటెస్టెంట్స్ ఎలిమినేట్ అయి వెళ్లిపోతున్నారు. ఒక ఆదిత్య ఓం మాత్రమే వేరే స్టేట్. కానీ, తెలుగు సినిమాలతో అందరికీ సుపరిచితం. మిగతా వారిలో అందరు తెలుగువాళ్లే!
వారం వారం బిగ్ బాస్ యాజమాన్యం,హోస్ట్ నాగార్జున కన్నడ బ్యాచ్‌ని కాపాడుకుంటూనే వస్తున్నారు. నెటిజన్ల మదిలో ఎప్పట్నుంచో మెదులుతున్న ఈ ప్రశ్నలకి.. శని, ఆదివారాల్లో ఎలిమినేట్ కాబోయే కన్నడ బ్యాచ్ యష్మీ గౌడ, పృథ్వీతో సమాధానం చెప్పనున్నారు. కాగా ఈ వారం ఇద్దరు వెళ్లనున్నారా? లేక ఒక్కరేనా? అనే విషయం ఇవాళ జరగబోయే ఎపిసోడ్ లో తెలిసే అవకాశం ఉంది.
