బిగ్ బాస్ తెలుగు 8 (Bigg Boss Telugu 8) వ సీజన్ తొమ్మిదో వారం రసవత్తరంగా సాగుతోంది. కంటెస్టెంట్స్ ఒకరికొకరు పోటీపడుతూ, గొడవలు పెట్టుకుంటూ వారమంతా కథ నడిపిస్తున్నారు. ఇక వీకెండ్ లో మాత్రం బిగ్ బాస్ ఆడియన్స్ వేసే ఓటింగ్స్ తో తమ ఆటలో వేగం పెంచుతున్నారు.
ఈ తొమ్మిదో వారం నామినేషన్స్‌లో నయని పావని, యష్మీ, గౌతమ్, టేస్టీ తేజ, హరితేజ ఐదుగురు ఉన్న విషయం తెలిసిందే. వీరు ఒకరికొకరు చురుకైన కామెంట్స్ తో దూసుకెళ్తున్నారు. మొన్న గురువారం(అక్టోబర్ 31) వరకు యష్మీ ఫస్ట్ ప్లేస్ లో ఉండగా.. సడెన్ గా శుక్రవారం రెండో ప్లేస్ లో పడిపోయింది. రెండో స్థానంలో ఉన్న గౌతమ్ మాత్రం టాప్‌లోకి దూసుకొచ్చేశాడు.
ఇక ఈ వారం ఎలిమేషన్ కంటెస్టెంట్గా, డేంజర్ జోన్లో ఉన్ననయని పావని ఊహించని విధంగా మూడో ప్లేస్కి వచ్చి చేరింది. నాలుగో స్థానంలో టేస్టీ తేజ ఉన్నాడు. నయని పావని, హరితేజ, డేంజర్ జోన్లో ఉండగా.. ఇపుడు ఆ లెక్కకాస్తా తారుమారైంది. దీంతో ఈ వారం టేస్టీ తేజ, హరితేజ చివరి రెండుస్థానంలో ఉన్నారు. ఇక బిగ్ బాస్ అనాలసిస్ట్ ప్రకారం.. ఈ వారం హరితేజ ఎలిమినేట్ అయ్యే అవకాశం కనిపిస్తోందని చెబుతున్నారు. చూడాలి మరి ఇవాళ (నవంబర్2) హౌజ్ నుంచి ఎవరు వెళతారో!
ఇప్పటివరకు బిగ్ బాస్ తెలుగు 8 సీజన్‌లో వరుసగా బెజవాడ బేబక్క, ఆర్జే శేఖర్ బాషా, అభయ్ నవీన్, సోనియా ఆకుల, ఢీ డ్యాన్సర్ నైనిక, కిర్రాక్ సీత, ఆదిత్య ఓం ఎలిమినేట్ అయి బిగ్ బాస్ ఇంటిని వదిలిపెట్టి వెళ్లారు. 7వ వారంలో నాగ మణికంఠ ఎలిమినేట్ అయి వెళ్లిపోయాడు. లాస్ట్ వీక్ లో మెహ‌బూబ్ హౌస్ నుంచి బయటికొచ్చారు.
