బిగ్బాస్ సీజన్ 8 (Bigg Boss Telugu 8) ప్రస్తుతం పదమూడో వారం నామినేషన్స్ ఇంట్రెస్టింగ్గా సాగనున్నాయనే తెలుస్తోంది. తాజాగా రిలీజ్ చేసిన ప్రోమోలో కంటెస్టెంట్స్ మధ్య వాడివేడిగా మాటల యుద్ధం సాగింది. ముఖ్యంగా గౌతమ్కు నబీల్, పృథ్వీకి అవినాష్ ఒకరికొకరు నోట మాటరాకుండా తగ్గేదేలే అన్నట్లు ఇచ్చి పడేసుకున్నారు.
ముందుగా బిగ్ బాస్ మాట్లాడుతూ.."మీరు ఎవరినైతే ఫైనలిస్ట్‌గా చూడకూడదనుకుంటున్నారో.. ఎవరి ప్రయాణాన్ని అయితే ముందుకు సాగకుండా ముగిద్దామని అనుకుంటున్నారో ఆ ఇద్దరి సభ్యులను తగిన కారణాలు చెప్పి నామినేట్ చేయాల్సి ఉంటుందని" అనౌన్స్‌మెంట్ ఇచ్చాడు.
నబీల్ ముందుగా గౌతమ్ను నామినేట్ చేస్తూ.. 'వైల్డ్ కార్డ్స్‌ను పంపించేద్దామని తెచ్చిన పాయింట్ నాకు నచ్చలేదు' అని అన్నాడు. ఇక ఆ వెంటనే గౌతమ్ మాట్లాడుతూ 'నామినేషన్స్‌లోకి తీసుకొచ్చి ఎవడిని నామినేట్ చేయలేదు' అని అనడంతో.. ఇంకా మాట్లాడొచ్చు అని నబీల్ అన్నాడు. దాంతో ముందు 'నన్ను కంప్లీట్ చేయనివ్వు.. నువ్వెందుకు మధ్యలో వస్తున్నావ్" అని గౌతమ్ అన్నాడు.
నబీల్ ఎక్కడ మాట్లాడాలనిపిస్తే అక్కడ మాట్లాడుతా అనడంతో ఇద్దరి మధ్య వాగ్వాదం పెరిగింది. ఇక నా వరకు తప్పు అనిపించింది నిర్ణయిస్తా అని నబీల్ అనడంతో "నా వాక్కు నా హక్కు. అది నువ్ మాట్లాడొద్దు అనడానికి నీకు హక్కు లేదు" అని గౌతమ్ అన్నాడు. దాంతో ఏం మాట్లాడకుండా సైలెంట్ అయిపోయాడు నబీల్.
Also Read : బస్సు బోల్తా.. కాంతార చిత్ర యూనిట్కు గాయాలు
ఆ తరువాత నామినేషన్స్‌లో తప్పా గేమ్‌లో నీ ఫైర్ కనిపించట్లేదు" అని గౌతమ్ను నబీల్ అనడంతో.. ఫైర్ లేకుంటేనే ఇన్నిరోజులు నేను నిలదొక్కుకుంటూ వచ్చానా".. దాంతో 'నబీల్‌లో ఫైర్ ఉంది కాబట్టే ఇన్ని వారాలు ఉన్నాడని.. ఇక ఆ వెంటనే'.. 'గౌతమ్ కృష్ణలో కూడా ఫైర్ ఉందని' ఒకరికొకరు వాగ్వదం చేసుకున్నారు.
ఆ తర్వాత అవినాష్‌ను నామినేట్ చేయడానికి వచ్చిన పృథ్వీ మాట్లాడుతూ.. 'విష్ణు, రోహిణి మధ్య గొడవ జరిగినప్పుడు మీరు మధ్యలో లేచి వచ్చారు. అమ్మాయి మ్యాటర్ నాకెందుకు అని చెప్పారు అక్కడ' అని పృథ్వీ అన్నాడు. 'వర్క్ విషయంలో ఏదైనా ఉంటే నేను సాల్వ్ చేస్తాను. మీ పర్సనల్ విషయాల్లో నేను ఇన్వాల్వ్ కానని చెప్పాను. అది పర్సనల్ విషయం' అని అవినాష్ తనదైన శైలిలో చెప్పుకొచ్చాడు.
దాంతో "ఎంటర్‌టైన్‌మెంట్ ఒక్కటే చూపిస్తున్నారు. గేమ్ ఎక్కడ ఆడుతున్నావ్? అని పృథ్వీ అనడంతో ..'ఏడు వారాల నుంచి రెండు సార్లు మెగా చీఫ్ అయ్యాను. ఓకే..నువ్వన్నట్టే.. నేను ఏ గేమ్ ఆడలేదు. కేవలం ఎంటర్‌టైన్‌మెంట్ చేస్తున్నాను. పన్నెండు వారాలు నువ్వున్నావ్. మెగా చీఫ్ అయ్యావా? ఒకే అని రివర్స్‌లో అవినాష్ అనడంతో పృథ్వీ సైలెంట్ అయిపోయాడు. దీన్ని బట్టి చూస్తుంటే ఇవాళ నవంబర్ 25న జరగనున్న ఎపిసోడ్ ఎలా ఉండనుందో అర్ధమవుతోంది.
ఇకపోతే ఈ వారం హౌజ్ లో 9 మంది కంటెస్టెంట్స్ మాత్రమే మిగిలారు. పన్నెండో వారం యష్మీ ఎలిమినేషన్‌తో.. ఇపుడు నబీల్, అవినాష్, గౌతమ్, నిఖిల్, ప్రేరణ, పృథ్వీ, రోహిణి, విష్ణుప్రియ, టేస్టీ తేజ ఇలా తొమ్మిది మంది ఉన్నారు. వీరిలో ఈ వారానికిగాను ఏడుగురు సభ్యులు నామినేట్ అయ్యారు. నామినేషన్స్‌లో గౌతమ్, నిఖిల్, ప్రేరణ, విష్ణుప్రియ, పృథ్వీ, టేస్టీ తేజ, అవినాష్ ఉన్నట్లు తెలుస్తోంది.
