చొప్పదండి, వెలుగు: కరీంనగర్లోని సీతారాంపూర్లో ఉన్న వెంకట్ బజాజ్ షోరూంలో డెలివరీ బాయ్గా పనిచేస్తూ షోరూం బైక్లను దొంగిలించి, అమ్ముకుంటున్న ఆనందం శ్రీకాంత్, అతడికి సహకరించిన మరో యువకుడు కుక్కల శివకుమార్ ను చొప్పదండి పోలీసులు అరెస్ట్చేశారు. వారి నుంచి రూ.20 లక్షల విలువైన 20 బైక్లు స్వాధీనం చేసుకున్నారు. ఈ సందర్భంగా కరీంనగర్రూరల్ఏసీపీ టి.కర్ణాకర్రావు మీడియాకు వివరాలు వెల్లడించారు.
చొప్పదండి మండలం ఆర్నకొండ గ్రామానికి చెందిన చిలుముల దిలీప్ ఓ టూవీలర్ను కొనుగోలు చేయగా, అమ్మిన వ్యక్తులు రిజిస్ట్రేషన్ చేయడం లేదని ఏప్రిల్19న చొప్పదండి పోలీసు స్టేషన్లో ఫిర్యాదు చేశాడు. ఈ ఫిర్యాదు ఆధారంగా పోలీసులు దర్యాప్తు ప్రారంభించగా షోరూమ్నుంచి బైక్లను అమ్ముకుంటున్నట్లు వెలుగులోకి వచ్చింది. శనివారం చొప్పదండి బస్టాండ్ సమీపంలో కుక్కల శివకుమార్, ఆనందం శ్రీకాంత్ను పట్టుకున్నట్లు పోలీసులు తెలిపారు.
