దర్శకుడు పూరి జగన్నాథ్ టాలీవుడ్కి పరిచయం చేసిన హీరోయిన్లలో అదితి ఆర్య ఒకరు. 2015 ఫెమినా మిస్ ఇండియా టైటిల్ని గెలుచుకున్న ఈ బ్యూటీ బాలీవుడ్ సినిమాల్లోనూ నటించింది. 2016లో వచ్చిన కళ్యాణ్రామ్ ఇజం.. సెవెన్, నిన్ను వదిలి నేను పోలేనులే వంటి సినిమాల్లోనూ చేసింది. తాజాగా కోటక్ మహీంద్రా సంస్థల అధినేత ఉదయ్ కోటక్ కుమారుడు జై కోటక్ అదితిని పెళ్లి చేసుకుంటున్నట్టుగా ప్రకటించాడు.
‘అదితి నాకు కాబోయే భార్య.. ఈ రోజు యేల్ యూనివర్సిటీ నుంచి ఎంబీఏ పూర్తి చేసింది. నాకు చాలా గర్వంగా ఉంది’ అంటూ ఆమె గ్రాడ్యేయేషన్ డే ఫొటోలను పోస్ట్ చేశాడు. జై ప్రస్తుతం కోటక్ 811 కి వైస్ ప్రెసిడెంట్గా ఉన్నాడు. ఈ ట్వీట్ పై పలువురు ప్రముఖులు ఈ జంటకు కంగ్రాట్స్ చెప్తున్నారు. మొత్తానికి బిలియనీర్నే పట్టేశావంటూ నెటిజన్లు కామెంట్స్ చేస్తున్నారు.
