ఓయూ, వెలుగు : ఘన వ్యర్థాల నిర్వహణలో ఓయూ ముందడుగు వేసింది. వర్సిటీ ప్రాంగణం, హాస్టళ్లు, క్యాంటీన్లలో ఉత్పత్తి అయ్యే ఘన వ్యర్థాలను ప్రాసెస్చేసి బయోగ్యాస్తీసేందుకు కొత్తగా ఏర్పాటు చేసిన ప్లాంట్ను ఓయూ వీసీ కుమార్ సోమవారం ప్రారంభించారు. కేపీఎంజీ, అహుజా ఇంజినీరింగ్ ప్రైవేట్ లిమిటెడ్‌ సంస్థలు కార్పొరేట్ సోషల్ రెస్పాన్సిబిలిటీ కింద ఇచ్చిన నిధులు, ఘన వ్యర్థాల నిర్వహణ రంగంలోని సాహస్ అనే స్వచ్ఛంద సంస్థ సహకారంతో మహిళా హాస్టల్ వద్ద ఈ ప్లాంట్ ఏర్పాటు చేశా రు.
ఇక నుంచి రోజుకి 2 టన్నుల ఆహార వ్యర్థాలను బయోగ్యాస్‌‌గా మార్చనున్నారు. ఈ ప్లాంట్పూర్తిస్థాయి సామర్థ్యంతో పనిచేస్తే రోజుకు 6 నుంచి 8 వంటగ్యాస్ సిలిండర్లకు సమానమైన గ్యాస్‌‌ను ఉత్పత్తి చేయొచ్చు. దీంతో 20 హాస్టళ్లలో వంటగ్యాస్, కట్టెలకు అయ్యే ఖర్చు ఆదా కానుంది. ప్రారంభ కార్యక్రమంలో వర్సిటీ రిజిస్ట్రార్ ప్రొఫెసర్ జి.నరేశ్రెడ్డి, ఓఎస్డీ ప్రొఫెసర్ జితేంద్రకుమార్ నాయక్‌, జీవ వైవిధ్య, పరిరక్షణ విభాగం డైరెక్టర్ ప్రొఫెసర్ శ్రీనివాసులు, మహిళా హాస్టల్ డైరెక్టర్ డాక్టర్ కళ్యాణలక్ష్మి, చీఫ్‌ వార్డెన్ డాక్టర్ జి.శ్రీనివాసరావు పాల్గొన్నారు.
