- 1948లో మహాత్మా గాంధీ మరణానంతరం ఆయన చేపట్టిన కార్యక్రమాలను కొనసాగించే బాధ్యతను గాంధేయవాది వినోబా భావేకు అప్పగించారు.
- ఆంగ్ల తత్వవేత్త సర్ జాన్ రస్కిన్ రచించిన అన్టూ ది లాస్ట్ అనే గ్రంథం మహాత్మా గాంధీని ప్రభావితం చేసింది.
- సర్ జాన్ రస్కిన్ రచన అయిన అన్ టూ ది లాస్ట్ ను మహాత్మా గాంధీ గుజరాతీ భాషలోకి సర్వోదయ పేరుతో అనువాదం చేశారు.
- భూదానం, గ్రామదానం, సంపత్తి దానం, జీవనదానం, శ్రమదానం అనేవి సర్వోదయ సిద్ధాంతం ఆధారంగా ఉద్భవించాయి.
- సర్వోదయ సమితి మొదటి సమావేశం 1949లో మధ్యప్రదేశ్లోని ఇండోర్లో జరిగింది.
- సర్వోదయ సమితి రెండో సమావేశం 1950లో ఒడిశాలోని అంగుల్లో జరిగింది.
- సర్వోదయ సమితి మూడో సమావేశం హైదరాబాద్లోని శివరాంపల్లిలో జరిగింది. ఈ సమావేశం 1951, ఏప్రిల్ 8 నుంచి 11 వరకు జరిగింది.
- శివరాంపల్లి గ్రామంలో జరిగిన సర్వోదయ సమితి సమావేశానికి ముఖ్య అతిథిగా వినోబా భావే హాజరయ్యారు.
- శివరాంపల్లిలో సర్వోదయ సమితి సమావేశం అనంతరం వినోబా భావే ఏప్రిల్ 15న తెలంగాణ పర్యటనను ప్రారంభించారు.
- వినోబా భావే తెలంగాణ పర్యటనలో ఆయన వెంట నడిచిన ముఖ్య నాయకులు మర్రి చెన్నారెడ్డి, మేల్కోటే.
- 1951, ఏప్రిల్ 18న నల్లగొండ జిల్లా పోచంపల్లిలో వినోబా భావే సమక్షంలో 100 ఎకరాలభూమిని దానంగా ఇస్తున్నట్లు భూస్వామి వెదిరే రామచంద్రారెడ్డి ప్రకటించారు.
- నల్లగొండ జిల్లా భువనగిరి తాలుకా పోచంపల్లిలో భూదానోద్యమం పుట్టింది.
- భూస్వాములు తమ భూమిలో 1/ 6 వంతు భూమిని నిరుపేదలకు దానం చేయాలని వినోబా భావే సూచించారు.
- తన పేరిట ఉన్న నాలుగు ఎకరాల భూమిని నల్లగొండ జిల్లా దేవరకొండ తాలుకా నాగిళ్ల గ్రామంలో ఒక పేద రైతు దానం చేశాడు.
- హైదరాబాద్ స్టేట్ సర్వోదయ కార్యకర్తల సమ్మేళనం 1951, జూన్ 7న ఆదిలాబాద్ జిల్లా మంచిర్యాలలో జరిగింది.
- దానంగా ఇచ్చిన భూమిని పంచడానికి, ఆ కార్యకలాపాలను క్రమబద్ధం చేయడానికి 1951, జూన్ 7న వినోభా బావే భూదాన యజ్ఞ సమితిని ఏర్పాటు చేశారు.
- భూదాన యజ్ఞసమితి కన్వీనర్గా ఉమ్మెత్తల కేశవరావును నియమించారు.
- భూదాన యజ్ఞ సమితి సభ్యులు కేతిరెడ్డి కోదండరాంరెడ్డి, సంగం లక్ష్మీబాయి.
- 1951, జూన్ 7న ఆదిలాబాద్ జిల్లా మంచిర్యాలలో జరిగిన హైదరాబాద్ స్టేట్ సర్వోదయ కార్యకర్తల సమ్మేళనానికి హైదరాబాద్ రాష్ట్ర రెవెన్యూ మంత్రి బి. రామకృష్ణారావు హాజరయ్యారు.
- హైదరాబాద్ రాష్ట్రం భూదానానికి సంబంధించిన చట్టాన్ని 1951లో ఆమోదించింది.
- వినోబా భావే తెలంగాణలో తన మొదటి పాదయాత్రలో 12,000 ఎకరాల భూమిని దానంగా పొందాడు.
- శంకర్రావు దేవ్ 1952లో మెదక్ జిల్లాలో పర్యటించి 15 రోజుల్లో 4000 ఎకరాల భూమిని దానంగా పొందారు.
- 1954లో తెలంగాణలో రెండుసార్లు పర్యటించిన కృష్ణదాస్ జాజూ సర్వోదయ కార్యకర్తలకు ప్రేరణ కలిగించారు.
- హైదరాబాద్ రాష్ట్రంలో జయప్రకాశ్ నారాయణ 1952, ఆగస్టులో పర్యటించారు.
- తెలంగాణలో వినోబా భావే భూదానోద్యమ రెండో యాత్ర 1955, డిసెంబర్ లో ఖమ్మం జిల్లా ముత్తుగూడెం నుంచి ప్రారంభమైంది. ఈయనకు హైదరాబాద్ సీఎం బూర్గుల రామకృష్ణారావు, రామానంద తీర్థ మొదలైన వారు స్వాగతం పలికారు.
- హైదరాబాద్ చివరి నిజాం మీర్ ఉస్మాన్ అలీఖాన్ వినోబా భావే మొదటి భూదాన యాత్ర సందర్భంగా 3500 ఎకరాలు భూమిని దానంగా ఇచ్చాడు.
- 1956, ఫిబ్రవరి 8న వినోభా బావే పాల్మాకోల్ గ్రామానికి చేరుకున్నప్పుడు ఆయనతోపాటు అప్పటి భారత రాష్ట్రపతి బాబూ రాజేంద్ర ప్రసాద్ భూదాన ఉద్యమ యాత్రలో పాల్గొన్నాడు.
- వినాబా భావే భూదాన ఉద్యమ యాత్రలో భాగంగా 1956 , మార్చి 5న మాధరావుపల్లెలో జరిగిన కార్యక్రమంలో అప్పటి ప్రధాని జవహర్లాల్ నెహ్రూ పాల్గొన్నారు.
- వినోబా భావేను కమ్యూనిస్టులు సర్కారు సాధు అని విమర్శించారు.
- భూదానం ద్వారా సేకరించిన భూమిని 1996 వరకు భూమిలేని వారికి పంపిణీ చేశారు.
- దేశవ్యాప్తంగా వినోబా భావే 13 సంవత్సరాల్లో 36,500 మైళ్లు పాదయాత్ర చేసి 40.4 మిలియన్ల ఎకరాల భూమిని దానంగా పొందారు.
- భూదాన యజ్ఞ బోర్డు ద్వారా భూమిలేని వారికి ఒక ఎకరం మాగాణి, ఐదెకరాల మెట్ట భూమి పంపిణీ చేశారు.
