కేటీపీఎస్లో విద్యుత్ శాఖ ఉద్యోగులను ఉద్యోగాల నుంచి తొలగించడం 1969 జై తెలంగాణ ఉద్యమానికి తక్షణ కారణమైంది.అన్నబత్తుల రవీంద్రనాథ్ 1969, జనవరి 8న దీక్ష ప్రారంభించారు. ఆయనతోపాటు దీక్షలో ఖమ్మం మున్సిపాలిటీ వైస్ చైర్మన్ కవిరాజ మూర్తి కూర్చున్నారు.
- 1969 ఉద్యమం సందర్భంగా పాల్వంచలో రోజు కూలీ కార్మికుడు పోటు కృష్ణమూర్తి జనవరి 10న దీక్ష ప్రారంభించాడు.
- 1969 తెలంగాణ ఉద్యమం ప్రారంభించడానికి కొలిశెట్టి రామదాసు కారణం. ఈయన తెలంగాణ ప్రాంతీయ సమితిని స్థాపించాడు.
- 1969 ఉద్యమం సందర్భంగా జనవరి 20న మొదటి కాల్పులు శంషాబాద్లో జరిగాయి.
- 1969 ఉద్యమం సందర్భంగా ఓయూలో ఏర్పడిన ఐక్యకార్యాచరణ కమిటీ కార్యదర్శి మల్లికార్జున్.
- 1969 ఉద్యమంలో తొలి అమరులు శంకర్, కృష్ణ. వీరు మెదక్ జిల్లా సదాశివపేటలో జరిగిన కాల్పుల్లో మరణించారు.
- 1969, జనవరి 21న జీవో నెంబర్ 36ను జారీ చేశారు.
- జనవరి 18 నుంచి 19 వరకు జరిగిన అఖిలపక్ష సమావేశం సందర్భంగా జీవో నెంబర్ 36ను విడుదల చేశారు.
- 1969 ఉద్యమంలో మొదటి తెలంగాణ బంద్ 1969, మార్చి 3న జరిగింది.
- మార్చి 8, 9వ తేదీల్లో జరిగిన రెడ్డి హాస్టల్ సదస్సును రాజాబహద్దూర్ వెంకట్రాంరెడ్డి ప్రారంభించగా టీఎన్ సదాలక్ష్మి అధ్యక్షత వహించారు. ఈ సదస్సును రావాడ సత్యనారాయణ ప్రారంభించారు.
- రెడ్డి హాస్టల్ సదస్సులో శ్రీధర్రెడ్డి క్విట్ తెలంగాణ నినాదం ఇచ్చారు.
- రెడ్డి హాస్టల్ సదస్సు సందర్భంగా తెలంగాణ చిత్ర పటాన్ని మునీర్ జమాల్(లీడర్ పత్రిక సంపాదకుడు), ఈవీ పద్మనాభం(ఫ్లాస్ అండ్ ఫెలోమన్ పత్రిక), ఆదిరాజు వెంకటేశ్వరరావు (తెలంగాణ రాష్ట్రోద్యమాలు పుస్తక రచయిత) రూపొందించారు.
- రెడ్డి హాస్టల్ సదస్సులో చేసిన ప్రతిజ్ఞ వీరగడ్డ అయిన తెలంగాణ పుత్రులమైన మేము బానిస బంధాలను ఛేదించడం ద్వారా తెలంగాణ రాష్ట్రాన్ని సాధించడానికి సర్వస్వాన్ని త్యాగం చేస్తాం.
- తెలంగాణ ఉద్యమానికి మద్దతు తెలుపుతూ అసెంబ్లీ ఎదుట సీమాంధ్ర మాజీ ఎమ్మెల్యే కొర్రపాటి పట్టాభిరామయ్య నిరాహార దీక్ష చేశాడు.
- నవశక్తి పత్రిక సంపాదకుడు కొర్రపాటి పట్టాభిరామయ్య.
- తెలంగాణ రాష్ట్రం ఎందుకు అన్న కరపత్రాన్ని కొర్రపాటి పట్టాభిరామయ్య విడుదల చేశారు.
- 1969 ఉద్యమ కాలంలో ఏర్పడిన అడ్వకేట్ల సంఘానికి అధ్యక్షుడు బి.సి.జైన్.
- 1969, మార్చి 17ను విద్యార్థులు ప్రజాస్వామ్య పరిరక్షణ దినంగా, ఉద్యోగులు పోరాటదినంగా జరుపుకున్నారు.
- ముల్కీ నిబంధనలు రాజ్యాంగ విరుద్ధం అని 1969, మార్చి 28న సుప్రీంకోర్టు ప్రధాన న్యాయమూర్తి జస్టిస్ హిదయతుల్లా తీర్పునిచ్చారు.
- సికింద్రాబాద్ కాల్పులు 1969, ఏప్రిల్ 4న జరిగాయి.
- ఉద్యమంలో మరణించిన కుటుంబాలను ఆదుకోవడానికి హైదరాబాద్ నగర మేయర్ కుముద్నాయక్ పౌరుల సంఘం ఏర్పాటు చేశారు.
- 1969, ఏప్రిల్ 11న ప్రధాన మంత్రి ఇందిరాగాంధీ ఎనిమిది సూత్రాల పథకాన్ని ప్రవేశపెట్టారు.
- ఎనిమిది సూత్రాల పథకంలో భాగంగా మిగులు నిధుల అధ్యయనం కోసం వశిష్ట భార్గవ కమిటీని ఏర్పాటు చేయగా, రూ.28.34కోట్లు మిగులు నిధులుగా తేల్చారు.
- ఎనిమిది సూత్రాల పథకంలో భాగంగా ముల్కీ నియమాలను అధ్యయనం చేయడానికి కైలాస్నాథ్ వాంఛూ కమిటీని ఏర్పాటు చేశారు.
- కైలాస్నాథ్ వాంఛూ కమిటీలోని సభ్యులు ఎంసీ సెతల్వాడ్, నిరేన్ డే.
- 1969 జై తెలంగాణ ఉద్యమంలో ప్రత్యేక రాష్ట్రం కావాలని వరంగల్ మున్సిపాలిటీ తీర్మానం చేసింది.
- 1969, ఏప్రిల్ 22న తెలంగాణ వంచన దినంగా జరుపుకున్నారు.
