హైదరాబాద్: తెలంగాణలో త్వరలో జరగనున్న మూడు ఎమ్మెల్సీ ఎన్నికలకు బీజేపీ అభ్యర్థులను ఖరారు చేసింది. రెండు టీచర్, ఒక గ్రాడ్యుయేట్ ఎమ్మెల్సీ ఎన్నికలకు క్యాండిడేట్ల పేర్లను కాషాయ పార్టీ ప్రకటించింది. నల్గొండ-ఖమ్మం-వరంగల్‌ టీచర్ ఎమ్మెల్సీ అభ్యర్థిగా సరోత్తంరెడ్డి, కరీంనగర్-మెదక్‌-ఆదిలాబాద్‌-నిజామాబాద్‌ టీచర్ ఎమ్మెల్సీ అభ్యర్థిగా మల్కా కొమరయ్య, కరీంనగర్-మెదక్‌-ఆదిలాబాద్‌-నిజామాబాద్‌ గ్రాడ్యుయేట్ ఎమ్మెల్సీ అభ్యర్థిగా అంజిరెడ్డి పేర్లను బీజేపీ ఫిక్స్ చేసింది. బీజేపీ జాతీయ అధ్యక్షుడు జేపీ నడ్డా ఆదేశాల మేరకు తెలంగాణ బీజేపీ రాష్ట్ర అధ్యక్షుడు కిషన్ రెడ్డి 2025, జనవరి 10వ తేదీన అభ్యర్థుల పేర్లను అనౌన్స్ చేశారు.
ఎమ్మెల్సీ ఎన్నికల్లో గెలుపు లక్ష్యంగా అధికార కాంగ్రెస్, ప్రతి పక్ష బీఆర్ఎస్ పార్టీల కంటే ముందే కాషాయ పార్టీ ఎన్నికల కసరత్తు మొదలుపెట్టింది. ఇందులో భాగంగానే ఆ రెండు పార్టీల కంటే ముందే అభ్యర్థుల పేర్లను ప్రకటించింది. ఇప్పటికే బీజేపీ అభ్యర్థులు ప్రచారం హోరెత్తిస్తున్నారు. కాంగ్రెస్ ప్రస్తుతం రాష్ట్రంలో అధికారంలో ఉండటంతో ఆ పార్టీ నుండి పోటీ చేసేందుకు ఆశవాహులు ఎక్కువగా ఉన్నారు. దీంతో అభ్యర్థుల ఎంపికపై అధికార పార్టీ ఆచీతూచీ వ్యవహరిస్తోంది.
ALSO READ | కేటీఆర్.. నువ్వేమైనా స్వాతంత్ర సమరయోధుడివా..? బండి సంజయ్ ఫైర్
అన్ని సమీకరణాలను పరిగణలోకి తీసుకుని క్యాండిడేట్ల సెలక్షన్ ప్రాసెస్ చేస్తోంది కాంగ్రెస్. అభ్యర్థుల ఎంపిక కొలిక్కి వచ్చాక.. క్యాండిడేట్ల పేర్లను కాంగ్రెస్ అనౌన్స్ చేయనున్నట్లు సమాచారం. ఇక, అసెంబ్లీ, పార్లమెంట్ ఎన్ని్కల్లో ఘోర పరాజయాన్ని మూట గట్టుకున్న ప్రతిపక్ష బీఆర్ఎస్ పార్టీ ఎమ్మెల్సీ ఎన్ని్కల్లో పోటీకి దూరంగా ఉండనున్నట్లు పొలిటికల్ సర్కిల్స్ లో ప్రచారం జరుగుతోంది. బరిలోకి దిగి ఓటమి పాలు కావడం కంటే.. పోటీ చేయకపోవడమే ఉత్తమం అని గులాబీ పార్టీ భావిస్తున్నట్లు తెలుస్తోంది. మరీ ఎమ్మెల్సీ ఎన్నికల్లో బీఆర్ఎస్ బరిలోకి దిగుతుందా లేదా అనేది తెలియాలంటే ఆ పార్టీ అధికారంగా ప్రకటిస్తే గానీ క్లారిటీ రాదు.
