లక్సెట్టిపేట, వెలుగు : కాంగ్రెస్, బీఆర్ఎస్ రెండూ కుమ్మక్కు రాజకీయాలు చేస్తూ ప్రజలను తప్పుదోవ పట్టిస్తున్నాయని బీజేపీ జిల్లా అధ్యక్షుడు వెరబెల్లి రఘునాథ్రావు ఆరోపించారు. ఆదివారం లక్సెట్టిపేట మున్సిపాలిటీ పరిధిలోని ఇటిక్యాలలో వెరబెల్లి ఫౌండేషన్ ఆధ్వర్యంలో బతుకమ్మ చీరెలు పంపిణీ చేశారు. ఈ సందర్భంగా ఆయన మాట్లాడుతూ రాష్ట్రాన్ని అభివృద్ధి చేయడంలో బీఆర్ఎస్ ఫెయిలైందన్నారు. సీఎం కేసీఆర్ ఇచ్చిన హామీలను నెరవేర్చలేదన్నారు.
రాష్ట్రాన్ని పూర్తిగా అప్పులపాలు చేశారన్నారు. తెలంగాణ రాకముందు కాంగ్రెస్ మోసం చేసిందని, రాష్ట్రం వచ్చాక బీఆర్ఎస్ మోసం చేస్తోందని విమర్శించారు. వచ్చే ఎన్నికల్లో ఆ రెండు పార్టీలను తరిమికొట్టాలన్నారు. దేశంలో, రాష్ట్రంలో బీజేపీ అధికారంలోకి వస్తేనే ప్రజలు కోరుకుంటున్న అభివృద్ధి జరుగుతుందన్నారు. పార్టీ టౌన్ ప్రెసిడెంట్ వి.హరిగోపాల్ రావు, నాయకులు బియ్యల సతీశ్ రావు, గుండా ప్రభాకర్, బుద్దే లక్ష్మణ్, వేముల మధు, ముష్కమ్ గంగన్న, మోటపల్కుల సతీశ్, గడికొప్పుల చంద్రమౌళి పాల్గొన్నారు.
ఆర్బీహెచ్వీలో శ్రమదానం...
ప్రధానమంత్రి నరేంద్రమోదీ పిలుపు మేరకు స్వచ్ఛతా హీ సేవా ప్రోగ్రాంలో భాగంగా రఘునాథ్రావు ఆధ్వర్యంలో ఆదివారం మంచిర్యాలోని ఆర్బీహెచ్వీ స్కూల్ ఆవరణలో శ్రమదానం చేశారు. నాయకులు వంగపల్లి వెంకటేశ్వరరావు, పెద్దపల్లి పురుషోత్తం, రజినీశ్ జైన్ , మున్నారాజ్ సిసోడియా, పురుషోత్తం జాజు, తుల ఆంజనేయులు, రేకందర్ వాణి, ఆకుల అశోక్ వర్ధన్, మాసు రజినీ, జోగుల శ్రీదేవి, బొద్దున మల్లేశ్, బండి మల్లికార్జున్, రంగ శ్రీశైలం, బొడ్డు రఘునందన్, గాజుల ప్రభాకర్, రాజబాబు, అమిరిశెట్టి రాజు పాల్గొన్నారు.
