- ఎమ్మెల్యే బాల్క సుమన్కు బీజేపీ జిల్లా అధ్యక్షుడు రఘునాథ్సవాల్
చెన్నూర్, వెలుగు: చెన్నూర్ ఎమ్మెల్యే బాల్క సుమన్ సింగరేణిపై తప్పుడు ప్రచారాలు చేస్తున్నాడని, ఆయనకు దమ్ముంటే బహిరంగ చర్చకు రావాలని బీజేపీ జిల్లా అధ్యక్షుడు వెరబెల్లి రఘునాథ్రావు సవాల్ విసిరారు. మహాజన్ సంపర్క్ అభియాన్లో భాగంగా గురువారం సాయంత్రం చెన్నూర్లో నిర్వహించిన బీజేపీ బహిరంగ సభలో ఆయన మాట్లాడారు. కేంద్ర ప్రభుత్వం సింగరేణి సంస్థను ప్రైవేటీకరిస్తుందని తప్పుడు బాల్క సుమన్తప్పుడు ప్రచారం చేయడం మానుకోవాలన్నారు. జోడువాగుల దగ్గర బ్రిడ్జి నిర్మాణానికి కేంద్రం ఫారెస్ట్పర్మిషన్లు ఇవ్వడం లేదని సుమన్అబద్ధాలు చెబుతున్నాడని అన్నారు.
సెంట్రల్ఫారెస్ట్ పర్మిషన్లు వచ్చినప్పటికీ రాష్ర్ట ప్రభుత్వం ఫీజు చెల్లించకనే జాప్యం జరుగుతోందని తెలిపారు. వచ్చే ఎన్నికల్లో సుమన్ కు ఓటమి తప్పదన్నారు. జిల్లా ప్రధాన కార్యదర్శి అందుగుల శ్రీనివాస్, రాష్ట్ర కార్యదర్శులు పల్లె గంగారెడ్డి, ముల్కల్ల మల్లారెడ్డి, కార్యవర్గ సభ్యుడు కొయ్యల ఏమాజీ, జిల్లా ప్రధాన కార్యదర్శి రజినీష్ జైన్, పార్లమెంట్ కో కన్వీనర్ నగునూరి వెంకటేశ్వర్లు గౌడ్ తదితరులు పాల్గొన్నారు.
