- హామీల అమలులో కాంగ్రెస్ సర్కార్ విఫలం: ఎన్వీఎస్ఎస్ ప్రభాకర్
హైదరాబాద్, వెలుగు: రాష్ట్రంలో బీఆర్ఎస్ పాలన ఉన్నప్పుడు కే ట్యాక్స్.. ఇప్పుడు ఆర్ ట్యాక్స్ అమలవుతున్నదని బీజేపీ మాజీ ఎమ్మెల్యే ఎన్వీఎస్ఎస్ ప్రభాకర్ ఆరోపించారు. పాలనలో కాంగ్రెస్-, బీఆర్ఎస్ ల తీరు ఒకే విధంగా ఉన్నదని విమర్శించారు. బుధవారం బీజేపీ స్టేట్ ఆఫీసులో ఆయన మీడియాతో మాట్లాడారు.
రాహుల్ గాంధీకి ఎడమ కన్ను కేసీఆర్ అయితే కుడి కన్నుగా రేవంత్ రెడ్డి వ్యవహరిస్తున్నారని ఎద్దేవా చేశారు. అప్పుడు కేసీఆర్ ఫాంహౌస్ నుంచి పాలన చేస్తే.. ఇప్పుడు రేవంత్ రెడ్డి ఢిల్లీ వెళ్లి పరిపాలన చేస్తున్నారని విమర్శించారు. కాంగ్రెస్ ఏడాది పాలనపై చర్చకు సిద్ధమా అని ప్రశ్నించారు.
